"დარწმუნებული ვარ, ქართველი ხალხი დააბრუნებს პარლამენტს ქუთაისში"- მიხეილ სააკაშვილი
დამაქცევარი ივანიშვილი და მისი მოღალატე ჯგრო აუცილებლად ჩამოშორდება ხელისუფლებას და დარწმუნებული ვარ ქართველი ხალხი დააბრუნებს პარლამენტს ქუთაისში, - ამის შესახებ საქართველოს ყოფილმა პრეზიდენტმა მიხეილ სააკაშვილმა ვიდეომიმართვაში განაცხადა, რომელიც სოციალურ ქსელში გაავრცელა.
როგორც სააკაშვილმა აღნიშნა, „ქუთაისში პარლამენტის გადატანა იყო საშვილიშვილო საქმე საქართველოსთვის“.
“საქართველოს მაოხრებელმა ივანიშვილმა გამოაცხადა თავისი მორიგი დიდი მავნებლობა-ქუთაისის საქართველოს პარლამენტის შენობის გაყიდვა. ქუთაისში პარლამენტის გადატანა იყო საშვილიშვილო საქმე საქართველოსთვის. ის აძლიერებს დასავლეთ საქართველოს და საქართველო უნდა იყოს ძლიერი, როგორც აღმოსავლეთში, ისე დასავლეთში. ეს არის მიმართული აფხაზური სეპარატიზმის წინააღმდეგ და აფხაზეთის დაბრუნებას ემსახურება სტრატეგიულად. ეფუძნებოდა ლაზიკის პორტის განვითარების სტრატეგიას და ქუთაისის, იმერეთის, სამეგრელოს, სვანეთის და ზოგადად დასავლეთ საქართველოს სწრაფ განვითარების ჩემეულ ხედვას და სტრატეგიას. ივანიშვილს უნდა ეს ყველაფერი გააჩეროს და მოსპოს იმიტომ, რომ მისი ამოცანაა სუსტი და გავერანებული საქართველო. დამაქცევარი ივანიშვილი და მისი მოღალატე ჯგრო აუცილებლად ჩამოშორდება ხელისუფლებას და დარწმუნებული ვარ ქართველი ხალხი დააბრუნებს პარლამენტს ქუთაისში“, - განაცხადა სააკაშვილმა.
სიახლეები
- "ჩვენ უნდა დავაწესოთ მიზანმიმართული სანქციები და მოვითხოვოთ მიხეილ სააკაშვილის გათავისუფლება"
- "მთავარია, მართლები ვიყოთ საკუთარი სამშობლოს და მისი ღირსეული მომავლის წინაშე, გელოდებით ყველას 29 აპრილს"
- 24-25 აპრილს, ღამის საათებში რიკოთის ძველ გვირაბში შეზღუდვები დაწესდება
- უცხოური ვალუტის ოფიციალური კურსი 24 აპრილისთვის
- ევროპის ისტორიული თერმული ქალაქების დელეგატები იმერეთის კურორტების სამკურნალო თვისებებს ეცნობიან