"თქვენი დარღვეული კანონების საფასურს დღემდე იხდიან საქართველოს მოქალაქეები"- არჩილ თალაკვაძე რომან გოცირიძეს
თქვენი დარღვეული კანონების საფასურს დღემდე იხდიან საქართველოს მოქალაქეები, - ასე მიმართა საქართველოს პარლამენტის თავმჯდომარე, არჩილ თალაკვაძემ ფრაქცია „ნაციონალური მოძრაობის“ თავმჯდომარეს, რომან გოცირიძეს პარლამენტის ბიუროს სხდომაზე.
როგორც თალაკვაძემ განაცხადა, უმჯობესი იქნება, „ნაციონალურ მოძრაობაში“ ფული შეაგროვონ, რათა დარღვევებისთვის სახელმწიფოს გადასახდელი გადაიხადონ.
„ბოლო თვის განმავლობაში სტრასბურგის სასამართლომ მილიონობით ჯარიმა დააკისრა სახელმწიფოს და როგორ გველაპარაკებით, რომ კანონებს არ ვასრულებთ? სანამ ჩვენ დაგეხმარებით, სჯობს, პარტიაში შეაგროვოთ ფული და გადაიხადოთ ის დარღვევები, რაც სახელმწიფოს გადასახდელია“,- განაცხადა თალაკვაძემ.
ცნობისთვის, მანამდე რომან გოცირიძემ განაცხადა, რომ მმართველი გუნდი კანონებს არ ასრულებს.
„თქვენ არ განაცხადეთ კანონის მიღებიდან მეორე დღეს, მოდით, პარტიებმა მემორანდუმი გავაფორმოთ და 25-მეტრიან რადიუსში არცერთი პარტია არ იყოს საარჩევნო უბანთანო? თქვენ არ იყავით, რომ ეს ინიციატივა კანონში არ შეიტანეთ? ახლა გთავაზობთ ამ კანონის დაჩქარებული წესით მიღების დროს ესეც შევიტანოთ კანონში. მემორანდუმს შეასრულებთ, როდესაც კანონებს არ ასრულებთ? მემორანდუმს ვენდოთ, ამ ფარატინა ქაღალდს, როდესაც ყოველი ფეხის ნაბიჯზე არღვევთ შეთანხმებას?“,- განაცხადა რომან გოცირიძემ.
სიახლეები
- "თუ ვინმე არის პროვოკატორი და მოძალადე, ეს არის ხელისუფლება" - ლევან ხაბეიშვილი
- "არანაირი მნიშვნელობა არ აქვს, ოპოზიცია გაერთიანდება თუ ცალკეულ მარტივ მამრავლებად დაიშლება - შესაკრებთა გადაცვლებით ჯამი არ იცვლება"
- როგორი ამინდია მოსალოდნელი საქართველოში
- "პოლიციელზე თავდასხმა ნიშნავს სახელმწიფო ინსტიტუტზე თავდასხმას და ხაზგასმით ვამბობ, რომ ეს არის დაუშვებელი" - ვახტანგ გომელაური
- "საპარლამენტო არჩევნები გადამწყვეტი იქნება, რათა თავიდან მოვიშოროთ არა „ოცნება“, არამედ ქართული კოშმარი"- პრეზიდენტი