March 29, 2024

"ძალიან სახალისო ამბავია, რომ „ნაციონალებს“ სოსო ჯაჭვლიანი შეუყვარდათ"

ძალიან სახალისო ამბავია, რომ „ნაციონალებს“ შეუყვარდათ სოსო ჯაჭვლიანი, რომელსაც „იბიარდს“ ეძახდნენ და ღიად დასცინოდნენ, – განაცხადა ჟურნალისტებთან საუბრისას „ქართული ოცნების“ წარმომადგენელმა, თეა წულუკიანმა. მან კომენტარი გააკეთა სოსო ჯაჭვლიანის მიერ „ქართული ოცნების“ დატოვების შესახებ გაკეთებულ განცხადებაზე.

„ახლა შეგიყვარდათ სოსო ჯაჭვლიანი? ძალიან კარგია, „ნაციონალებს“ შეუყვარდათ სოსო ჯაჭვლიანი. ეს არის ძალიან ისეთი, სახალისო ამბავი. ბატონი სოსო არ მგონია, რომ ჩემთვის შორეული ადამიანია, პიროვნულ ნოტაზე ვსაუბრობ და არა პოლიტიკურად. ძალიან სამწუხარო სანახაობა იყო, როდესაც ის სწორედ იმ ხალხთან მივიდა საკუთარი წყენის გამოსახატად, რომელმაც მისივე მონაწილეობით აქცია რუსთაველზე ისე დაარბია, რომ სისხლის გუბეები იდგა ჩვენი დედაქალაქის მთავარ გამზირზე. ასეთ ხალხთან ბატონ სოსოს მოუნდა, რომ თავისი ხვაშიადი, ასე ვთქვათ, გამოეფინა საჯაროდ. რადგან მთაში გავიზარდე, მე მინახავს სვანი კაცები, თუმცა ამდენი ემოცია არც ერთში არ მინახავს.

 

ის, როგორც ჩანს, არის ნაწყენი. გადაუვლის ეს წყენა და იმედია, რომ სხვანაირად ისაუბრებს. მაგრამ მე ყველაზე ძალიან ამ ყველაფერში სახალისო მგონია თქვენი სიხარული, რომ ის სოსო ჯაჭვლიანი, რომელსაც „იბიარდს“ ეძახდით წლების მანძილზე და ღიად დასცინოდით ამ კაცს, როდესაც იყო „ქართულ ოცნებაში“, ახლა უცბად შეგიყვარდათ. აი, ეს არის ჩემთვის სასაცილო“, – განაცხადა თეა წულუკიანმა ჟურნალისტებთან საუბრისას.

წაკითხვა 527 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.