"რუსეთის მიერ სამხრეთ ოსეთის აღიარება მშვიდობის ახალი ისტორიული ეპოქის დასაწყისად იქცა"
„რუსეთის მიერ სამხრეთ ოსეთის აღიარება მშვიდობისა და კეთილდღეობის ახალი ისტორიული ეპოქის დასაწყისად იქცა“, - ამის შესახებ ოკუპირებული ცხინვალის დე ფაქტო ლიდერმა ანატოლი ბიბილოვმა განაცხადა, რომელმაც მოსახლეობას რუსეთის მიერ დე ფაქტო რეგიონის დამოუკიდებლობის აღიარების 13 წლისთავი მიულოცა.
„გზა ამ ბედნიერი დღისკენ გრძელი და უმძიმესი განსაცდელებით იყო სავსე. 2008 წლის აგვისტოში სამხრეთ ოსეთის მოსახლეობა კიდევ ერთხელ აღმოჩნდა შემოჭრილი ქართული ჯარის მხრიდან ფიზიკური განადგურების ზღვარზე და რუსეთის მტკიცე დახმარებამ ხსნა მოიტანა. ომი შეწყდა, მაგრამ აშკარა იყო, რომ სამხრეთ ოსეთის მიწაზე ხანგრძლივი მშვიდობის უზრუნველყოფას მხოლოდ დამოუკიდებლობის აღიარება გახდიდა შესაძლებელს. სამხრეთ ოსეთთან ერთად აღიარება მოიპოვა ძმურმა აფხაზეთმაც“, - განაცხადა ბიბილოვმა.
მისივე თქმით, „სამხრეთ ოსეთის“ ისტორიული არჩევანი რუსეთთან ურღვევი კავშირია.
„არავითარ შემთხვევაში არ გადავუხვევთ ამ კავშირის გაძლიერების კურსს, ჩვენ განვაგრძობთ ინტეგრაციის განვითარებას ყველა სფეროში, სამხრეთ ოსეთის ხალხის არაერთხელ დადასტურებული ნების საფუძველზე ",- აღნიშნა ბიბილოვმა.
26 აგვისტოს სოხუმსა და ცხინვალში რუსეთის მიერ ე.წ. დამოუკიდებლობის აღიარების 13 წლისთავს აღნიშნავენ. რუსეთმა ეს გადაწყვეტილება 2008 წლის აგვისტოს ომის შემდეგ მიიღო.
სიახლეები
- "საქართველო გზაგასაყარზეა - ის ევროპისკენ გზაზე უნდა დარჩეს" - ურსულა ფონ დერ ლაიენი
- "გულანთებულ ახალგაზრდებს მივმართავ, რომ რაღაცები არ არის საჭირო, დაანებეთ თავი პარლამენტის კარს, იქ არაფერი აღარ ხდება"
- "ვინც ამბობს, რომ ეს კანონი რუსულია, არა მარტო იტყუება, არამედ ცრუპენტელობს" - პრემიერი
- "დროა, პოლიტიკური კრიზისიდან მშვიდობიანი გამოსავლის საძიებლად, ურთიერთობებმა გადაინაცვლოს ქუჩიდან მოლაპარაკების მაგიდასთან"- საპატრიარქო
- "დღეს ქვეყანა გადასარჩენია" - თბილისში დაგეგმილ აქციას ქუთაისიდანაც შეუერთდნენ