"რუსეთის ფედერაციაში შესვლის შემთხვევაში, სამხრეთ ოსეთი ჩრდილოეთ ოსეთთან გაერთიანებას გეგმავს"
რუსეთის ფედერაციაში შესვლის შემთხვევაში, სამხრეთ ოსეთი ჩრდილოეთ ოსეთთან გაერთიანებას გეგმავს, – ამის შესახებ ოკუპირებული სამხრეთ ოსეთის ე.წ. ლიდერმა, ანატოლი ბიბილოვმა რუსულ მედიასთან ინტერვიუში განაცხადა.
ბიბილოვმა აღნიშნა, რომ რუსეთთან აწარმოებენ კონსულტაციებს გაწევრიანების შესახებ რეფერენდუმის ჩატარების საკითხზე.
სეპარატული რეჟიმის წარმომადგენლის განცხადებით, რუსეთის ფედერაციაში შესვლა მნიშვნელოვნად გაზრდის სამხრეთ ოსეთის უსაფრთხოებას.
„ჩვენ უკვე გვაქვს ალანია: ჩრდილოეთ ოსეთი – ალანია და სამხრეთ ოსეთი – სახელმწიფო ალანია. ეს უკვე ერთი ალანიაა. როდესაც ჩვენ უკვე რუსეთის ფედერაციის შემადგენლობაში ვიქნებით, ასევე არის პროცედურები, რომლებიც დაკავშირებულია სუბიექტების გაერთიანებასთან. დღეს სამხრეთ ოსეთი შეიძლება, გახდეს რუსეთის ფედერაციის ნაწილი, როგორც რუსეთის სუბიექტი. ვფიქრობ, ოსეთის გაერთიანება აუცილებელია. რუსეთის ახალი კონსტიტუცია ადგენს, რომ რუსეთის ფედერაცია არავითარ შემთხვევაში არავის არ დაუთმობს რუსეთის ფედერაციის ტერიტორიებს. ეს მნიშვნელოვნად ზრდის სამხრეთ ოსეთის რესპუბლიკის მოსახლეობის უსაფრთხოებას“, – განაცხადა ბიბილოვმა.
სიახლეები
- „რუსეთს იმედი აქვს, რომ „თეთრ სახლში თავის კაცს დასვამს“ და ამით ნატოს ძლიერებას დაასუსტებს“ – უცხოური პრესა
- "ცვლილებები ჩვენი მხრიდან, ბუნებრივია, ვერ დაიგეგმება გამომდინარე იქიდან, რომ ხვალ მესამე მოსმენით მიიღება კანონი"- პრემიერი
- უცხოური ვალუტის ოფიციალური კურსი 14 მაისისთვის
- "სრული პასუხისმგებლობით გეუბნებით, ტყუილად არ დაუკავებიათ არავინ, ეს ადამიანები ახორციელებდნენ ძალადობას"
- "გდდ-ს ყველა თანამშრომელი ეჭვმიტანილია არაადამიანურ მოპყრობაში, წამებასა და სისხლის სამართლის დანაშაულის ჩადენაში"