"სომხეთში პერიოდულად ისმის მოწოდებები საქართველოს რკინიგზის აფხაზეთის მონაკვეთიზე მოძრაობის განახლებაზე"

სომხურმა საინფორმაციო-ანალიტიკურმა გამოცემა „ინფოპორტ“-მა («Infoport») გაავრცელა სტატია სათაურით „ევრაზიულ ეკონომიკური კავშირის ქვეყნებმა, საქართველოს გავლით, რუსეთ-სომხეთის რკინიგზის ამოქმედების საკითხი უნდა გადაწყვიტონ“, რომელიც მომზადებულია ერევანში არსებული ეკონომიკური კვლევების ცენტრის დირექტორის აშოტ თავადიანის მოხსენების საფუძველზე.

 

სომეხმა მეცნიერმა 29 აგვისტოს გამართულ პრეს-კონფერენციაზე თავისი მოხსენება „სომხეთის ეკონომიკა 2020 წლის პირველ ნახევარში, ევრაზიული ეკონომიკური კავშირის წევრობის კონტექსტში“ წარადგინა და აღნიშნა, რომ ქვეყნის ეკონომიკის განვითარებისათვის აუცილებელია ევრაზიული ეკონომიკური კავშირის წევრებმა კოლექტიური ძალისხმევა განახორციელონ რუსეთ-სომხეთის დამაკავშირებელი რკინიგზის ასამუშავებლად, რომლის მნიშვნელოვანი ნაწილი საქართველოს კუთვნილებაშია. საკითხი განსაკუთრებით ეხება საქართველოს რკინიგზის აფხაზურ მონაკვეთს, რომელიც თითქმის 30 წელია არ მოქმედებს.

 

„იმის გათვალისწინებით, რომ ყაზახეთს და ბელარუსს (ევრაზიული კავშირის წევრებს - ს.კ.) კარგი ურთიერთობა აქვთ როგორც საქართველოსთან, ისე რუსეთთან, მიზანშეწონილია ამ ქვეყნების ჩართვა აღნიშნულ პროცესში. რადგანაც ეს რკინიგზა რუსეთს ირანთანაც აკავშირებს, მასზე მოძრაობის აღდგენა, საქართველოსა და სომხეთის გავლით, მნიშვნელოვნად გაზრდის საქონელთბრუნვას ირანთანაც. შესაბამისად, როცა ევრაზიული ეკონომიკური კავშირი საქართველოსთან საგარეო ვაჭრობის სტრატეგიის შემუშავებას დაიწყებს, ეს პერპექტივა მხედველობაში აუცილებლად უნდა იყოს“, - ხაზი გაუსვა აშოტ თავადიანმა.

 

 „ინფოპორტი“ კომენტარს უკეთებს ამ ინფორმაციას და წერს:

 

„სომხეთში პერიოდულად გაისმის მოწოდებები საქართველოს რკინიგზის აფხაზეთის მონაკვეთიზე მოძრაობის განახლების შესახებ, რუსეთთან პირდაპირი კავშირის აღდგენის მიზნით. ამასთან, სომხეთის საგარეო საქმეთა სამინისტრო აღნიშნავს ხოლმე, რომ აფხაზეთის მონაკვეთზე მოძრაობის აღდგენა დამოკიდებულია უშუალოს საქართველოს, რუსეთისა და აფხაზეთის პოზიციაზე და ამ შემთხვევაში სომხეთს მხარეთა გადაწყვეტილებაზე გავლენის მოხდენა არ შეუძლია“.

 

წყარო:

https://infoport.am/ru/news/economy/kraine-neobkhodimo-aktivizirovat-raboty-gosudarstv-chlenov-eaes-po-resheniyu-problemy-zheleznoi-dorogi-cherez-gruziyu-v-armeniyu-ekspert

 

მოამზადა სიმონ კილაძემ

წაკითხვა 622 ჯერ განახლდა განახლდა აგვისტო 31 2020
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.