ოკუპირებული გალიდან ბიზნესმენი გაიტაცეს
58 წლის ბიზნესმენი ჯემალ სოსელია გაიტაცეს ოკუპირებული გალის რაიონის სოფელ საბერიოდან.
ამის შესახებ ინფორმაციას გალის ე.წ. ადმინისტრაციის ყოფილი ხელმძღვანელი ავრცელებს. ის სოციალურ ქსელში წერს, რომ გატაცებული მოქალაქე საბერიოს მკვიდრია.
მედიის ინფორმაციით, წუხელ 22:00 საათზე ოთხმა შეიარაღებულმა პირმა გააჩერა ბიზნესმენის მანქანა და აიძულა ტრანსპორტი ენგურჰესის მიმართულებით, საოკუპაციო ხაზისკენ წაეყვანა. იმ იმედით, რომ ვინმე შენიშნავდა და დახმარებას გაუწევდა, ჯემალ სოსელიამ ავტომობილი ელექტროსადგურის მიმართულებით წაიყვანა.
"ეხო კავკაზას" ცნობით, გამტაცებლებმა ბიზნესმენს სცემეს. მედიასაშუალების წყარო ამბობს, რომ "ბოროტმოქმედები ქართულად და მეგრულად საუბრობდნენ"
მომხდარის შესახებ ინფორმაციას ავრცელებს გალის ტელევიზიაც. მათი ცნობით, გატაცებულის გამოსასყიდი თანხის თაობაზე შეტყობინება არ ყოფილა.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი