"რუსეთი უკრაინაში აკრძალულ ნაღმებს იყენებს" - Human Rights Watch
უკრაინაში მებრძოლმა რუსულმა ჯარებმა ხარკოვის რეგიონში აკრძალული ქვეითსაწინააღმდეგო ნაღმები გამოიყენეს. ამ ინფორმაციას საერთაშორისო ორგანიზაცია Human Rights Watch-ი ავრცელებს.
ორგანიზაციის განცხადებით, უკრაინელებმა ქვეითსაწინააღმდეგო ნაღმები 28 მარტს აღმოაჩინეს. Human Rights Watch-ის მიხედვით, უკრაინა მსგავსი ტიპის ნაღმებს საერთოდ არ ფლობს.
„ცნობილია, რომ რუსეთს აქვს ეს ახლად განლაგებული ნაღმები, რომლებსაც შეუძლიათ განურჩევლად მოკლას და დაასახიჩროს ადამიანები 16 მეტრის რადიუსში. მსოფლიოს ქვეყნებმა მკაცრად უნდა დაგმონ რუსეთის მიერ უკრაინაში აკრძალული ქვეითსაწინააღმდეგო ნაღმების გამოყენება. ეს იარაღი არ განასხვავებს სამხედროებსა და სამოქალაქო პირებს შორის და ტოვებს სასიკვდილო მემკვიდრეობას მომავალი წლების განმავლობაში“, - აცხადებს HRW-ის შეიარაღების განყოფილების დირექტორი სტივენ გუზი.
ცნობისთვის, 1997 წლის ნაღმების აკრძალვის საერთაშორისო ხელშეკრულება მთლიანად კრძალავს პერსონალის საწინააღმდეგო ნაღმების გამოყენებას, წარმოებას, შენახვასა და გადაცემას. რუსეთი არ არის იმ 164 ქვეყანას შორის, რომლებიც ხელშეკრულებას შეუერთდნენ.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი