ივერი მელაშვილის საჯარო განცხადებებს დამატებით მტკიცებულებებად წარვადგენთ - პროკურორი

ჩვენ წარვადგენთ დამატებით მტკიცებულებებს, რომელშიც არის ივერი მელაშვილის საჯარო განცხადებები, სადაც ის ფაქტობრივად აღიარებს ჩადენილ ქმედებას, – ამის შესახებ პროკურორმა, მიხეილ სადრაძემ განაცხადა.

„წარვადგენთ შუამდგომლობებს ჩვენი მტკიცებულებების დასაშვებობასთან დაკავშირებით, ამავდროულად წარვადგენთ დამატებით მტკიცებულებებს. ეს არის ივერი მელაშვილის საჯარო განცხადებები, სადაც ის ფაქტობრივად აღიარებს ჩადენილ ქმედებას. მაგალითად იმ განცხადებებს, რომ დავით გარეჯი არ არის საქართველოა ტერიტორია და ის მონაკვეთები, რომლებსაც ჩვენ ბრალდების მხარეს ვედავებით, არასოდეს ყოფილა საქართველოს შემადგენლობაში. ეს საჯარო სივრცეში გაკეთებული განცხადებებია და ამას ჩვენ, როგორც მტკიცებულებებს ისე წარვადგენთ, ვინაიდან, ასეთი ფორმით გაკეთებული განცხადებები შესაბამისობაშია ბრალდებულების მიერ განხორციელებულ ყველა ქმედებასთან, რომლებიც დოკუმენტურად არის დადასტურებული საქმეში. რაც შეეხება დაცვის მხარის შუამდგომლობების საკითხს, დაცვის მხარის მიერ წარმოდგენილი მტკიცებულებების 99 პროცენტი არის ასლი ჩვენი მტკიცებულებებისა, შესაბამისად, თუ დაცვა დააყენებს შუამდგომლობას ჩვენი მტკიცებულებების დაუშვებლობაზე, ეს ავტომატურად გულისხმობს, რომ საკუთარი მტკიცებულებების დაუშვებლობასაც დააყენებს“, – განაცხადა პროკურორმა.

 

ამასთან, გირაოთი გათავისუფლებულმა ივერი მელაშვილმა განაცხადა: „ვიღაც ბერი იქნება, თუ ერის წარმომადგენელი, მივა და კელიებთან პოზირებას დაიწყებს, ამის გამო ეუბნები, რომ ჩემია, არ არის სწორი, არ არის შენი და არ დაგითმობს არასოდეს“.

 

დავით გარეჯის საქმეზე ბრალდებულები ივერი მელაშვილი და ნატალია ილიჩოვა გირაოს სანაცვლოდ გათავისუფლდნენ. გირაოს ოდენობა თითოეულისთვის 20 000 ლარს შეადგენს.

წაკითხვა 370 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.