"შევაფასებთ სიტუაციას და ამის მიხედვით გადავწყვეტთ, რა ძალებით უნდა იყოს პოლიცია წარმოდგენილი არჩევნების დღეს"
ჩვენს საერთაშორისო პარტნიორებთან, დამკვირვებლებთან ერთად გადავწყვეტთ, რა ძალებით უნდა იყოს პოლიცია წარმოდგენილი ყველა ლოკაციაზე, - ასე უპასუხა შს მინისტრმა გიორგი გახარიამ კითხვას, ხომ არ იქნება 19 მაისის არჩევნებზე განსაკუთრებული მობილიზება პოლიციის მხრიდან.
მინისტრის თქმით, მოხდება სიტუაციის შესწავლა და შესაბამისი გადაწყვეტილება იქნება მიღებული.
„ჩვენ, რა თქმა უნდა, შევაფასებთ მდგომარეობას, როგორც ზუგდიდში, ასევე ზესტაფონსა და მარნეულში და ჩვენს საერთაშორისო პარტნიორებთან, დამკვირვებლებთან ერთად გადავწყვეტთ, რა ძალებით უნდა იყოს პოლიცია წარმოდგენილი ყველა ლოკაციაზე. ეს არის ჩვენი ტექნიკური საკითხი, რომელსაც გადავწყვეტთ ჩვენს პარტნიორებთან ერთად თანამშრომლობით. რაც შეეხება ძირითად ნაწილს, შსს და პოლიცია მაქსიმალურად უზრუნველყოფს ჩვენი მოქალაქეების მიერ თავიანთი აზრის გამოხატვის თავისუფლებას, წყნარად და მშვიდ გარემოში“,- აღნიშნა გახარიამ.
სიახლეები
- უცხოური ვალუტის ოფიციალური კურსი 25 აპრილისთვის
- ზოდიაქოს ის ნიშნები, რომელთათვისაც 2024 წლის მეორე ნახევარი ტრანსფორმაციისა და არაერთი სასიამოვნო სიახლის ეტაპი იქნება
- "ახლა გავაკეთებთ ყველაფერს, რათა იმ ნახევარი წლის კომპენსირება მოვახდინოთ, რომელმაც დებატებში და ეჭვებში გაიარა"
- "კანონი არის რუსული, რადგან ამ კანონით საქართველოს არ ექნება შანსი, გახდეს ევროკავშირის წევრი"
- "ქვეყანაში ახალგაზრდებთან ბრძოლა არავის არ მოუგია და შესაბამისად ვერც ივანიშვილი და გომელაური ვერ მოიგებს"