"მაგ ოჯახებს აქ აღარ ეცხოვრებათ" - ბავშვთა პორნოგრაფიაზე დაკავებულებს შორის ყოფილი პედაგოგია
შინაგან საქმეთა სამინისტროს მიერ არასრულწლოვნების პორნოგრაფიული მასალების უკანონოდ დამზადება-გასაღებისა და ტრეფიკინგის ბრალდებით დაკავებული დანაშაულებრივი ჯგუფის 11 წევრიდან რამდენიმე გორის მუნიციპალიტეტის სოფელ ზეღდულეთის მცხოვრებია.
ამასთან, როგორც „ინტერპრესნიუსს“ ადგილობრივებმა განუცხადეს, დაკავებულთაგან ერთ-ერთი უცხოელი მასწავლებელია, რომელიც რამდენიმე წლის წინ ზეღდულეთის საჯარო სკოლაში მუშაობდა.
„ეს ადამიანი წლების წინ მუშაობდა სოფლის სკოლაში პედაგოგად. მერე წავიდა, მოგვიანებით კვლავ გამოჩნდა სოფელში, თუმცა, სკოლაში აღარ მუშაობდა, ამბობდა, რომ საქართველოში სამოდელო ფოტოსტუდია ჰქონდა და მას ხელმძღვანელობდა. როგორც ვიცით, გარკვეული კონტრაქტებიც გაუფორმა რამდენიმე მშობელს და მათ შვილებს იღებდა ე.წ. სამოდელო სტუდიაში. ვინ წარმოიდგენდა, რომ ასეთი სიბინძურე ხდებოდა? ყველა აღშფოთებულია სოფელში. ისეა ხალხი აღელვებული, მაგ ოჯახებს აქ აღარ ეცხოვრებათ. თავდაპირველად ის ყოფილი პედაგოგი და ზეღდულეთის მცხოვრები ერთი ქალი დააკავეს, შემდეგ - კიდევ 5 ადამიანი, პორნოგრაფიული ნაწარმოების დამზადებაში ჩაბმული არასრულწლოვანი ბავშვების მშობლები, მაგრამ არაოფიციალურად ვიცით, რომ სავარაუდოდ, სხვა მშობლებიც არიან ამ საქმეში მხილებულები და გამორიცხული არ არის, დაკავებულთა რიცხვი გაიზარდოს“, - განუცხადეს „ინტერპრესნიუსს“ სოფელ ზეღდულეთში.
შსს-მ არასრულწლოვნების პორნოგრაფიული მასალების დამზადების სქემა და დანაშაულებრივი ჯგუფის 11 წევრი გამოავლინა, რომელთა შორის ბავშვების მშობლებიც არიან. აღნიშნული პირების მიერ ჩადენილი დანაშაული 17-დან 20 წლამდე ან უვადო თავისუფლების აღკვეთას ითვალისწინებს.
სიახლეები
- "საქართველო გზაგასაყარზეა - ის ევროპისკენ გზაზე უნდა დარჩეს" - ურსულა ფონ დერ ლაიენი
- "გულანთებულ ახალგაზრდებს მივმართავ, რომ რაღაცები არ არის საჭირო, დაანებეთ თავი პარლამენტის კარს, იქ არაფერი აღარ ხდება"
- "ვინც ამბობს, რომ ეს კანონი რუსულია, არა მარტო იტყუება, არამედ ცრუპენტელობს" - პრემიერი
- "დროა, პოლიტიკური კრიზისიდან მშვიდობიანი გამოსავლის საძიებლად, ურთიერთობებმა გადაინაცვლოს ქუჩიდან მოლაპარაკების მაგიდასთან"- საპატრიარქო
- "დღეს ქვეყანა გადასარჩენია" - თბილისში დაგეგმილ აქციას ქუთაისიდანაც შეუერთდნენ