ქუთაისში 30 წლის ქალის მკვლელობისთვის დაკავებულს ბრალი წარედგინა
ქუთაისში 30 წლის ქალის მკვლელობისთვის დაკავებულს ბრალი ოფიციალურად წარედგინა.
ადვოკატ ესმა ნორაკიას თქმით, შეიცვალა მუხლი და მისი დაცვის ქვეშ მყოფს ბრალი 109-ე მუხლის მესამე ნაწილის ბ ქვეპუნქტით წარედგინა, რაც განზრახ მკვლელობის ჩადენას დამამძიმებელ გარემოებებში განსაკუთრებული სისასტიკით გულისხმობს.
მისი განცხადებით, დაკავებული არ ეთანხმება ბრალს, არ აღიარებს და თავს დამნაშავედ არ ცნობს. ამასთან, ადვოკატის განცხადებით, ჯერჯერობით უცნობია, დააყენებენ თუ არა გირაოს შუამდგომლობას.
ესმა ნორაკია არც მოტივთან დაკავშირებით გავრცელებულ ვერსიას ეთანხმება და ამბობს, რომ მიზეზი ეჭვიანობა არ ყოფილა.
რაც შეეხება მეუღლის შესაძლო მონაწილეობას საქმეში, ადვოკატი ამ ინფორმაციას არ ადასტურებს.
დღესვე დაზარალებულად ცნეს გარდაცვლილის ოჯახი და ადვოკატებს საქმის მასალები გადაეცათ.
სიახლეები
- ზოდიაქოს 4 ნიშანი, რომლებიც პოპულარობისა და წარმატებისათვისაა დაბადებული
- მიზნის მიღწევის 9 გასაღები
- როგორი იქნება პროტესტის დინამიკა 17 მაისამდე - რაზეა დამოკიდებული ხალხის რაოდენობის ზრდა და კლება
- "ვუერთდებით ევროპელ მოკავშირეებს და მოვუწოდებთ საქართველოს, არ მიიღოს კანონმდებლობა" - მეთიუ მილერი
- ქუთაისის სპორტის სასახლეში კადეტ მოკრივეთა შორის აკაკი კაკაურიძის სახელობის მე-13 საერთაშორისო ტურნირი გაიხსნა