"ცდილობენ, რაღაცნაირად დააკავშირონ, თითქოს ეს ყველაფერი ჩემ მიერ იყო დაგეგმილი" - რამიშვილი
ცდილობენ, რაღაცნაირად დააკავშირონ, თითქოს მე საქმის კურსში ვიყავი.
თითქოს ეს ყველაფერი ჩემ მიერ იყო დაგეგმილი და ფოტომასალა ჩემს მიერ იქნა გაყალბებული, - ამის შესახებ თამარ ბაჩალიაშილის ოჯახის ადვოკატმა განაცხადა.
მიხეილ რამიშვილი დღეს, 14:00 საათზე თბილისის საქალაქო სასამართლოში, ე.წ. სატელიტის ფოტოებთან დაკავშირებით, მაგისტრი მოსამართლის წინაშე მოწმის სახით დაიკითხება.
„ცდილობენ, რაღაცნაირად დააკავშირონ, თითქოს მე საქმის კურსში ვიყავი. თითქოს ეს ყველაფერი ჩემ მიერ იყო დაგეგმილი და ფოტომასალა ჩემს მიერ იქნა გაყალბებული. თითქოს მე ახლა ვამტკიცებ იმას, რაც ჩემთვის უკვე ისედაც ცნობილია, რომ იქ ავტომობილი არ მდგარა. ავტომობილი ზუსტად იმ დღეს მიიყვანეს, როდესაც აქცია გაიმართა. აქციაზე იკრიბებოდნენ მოხალისეთა ჯგუფები, რომლებიც აპირებდნენ ჯგუფ-ჯგუფად გასულიყვნენ და მოეძებნათ ავტომობილი.
გამოძიებას უჭირს და ცდილობენ, დავით ფურცხვანიძეს ათქმევინონ, თითქოსდა ეს ჩემი შეკვეთაა. მე ბატონმა დავითმა მომიტანა მასალა და მითხრა, ამაზე პასუხისმგებელი მე ვარო. ხომ არ დამესიზმრებოდა, დავითი საიდან მოიტანდა მას. მან მითხრა, რომ ეს არის ნამდვილი. ვკითხე, ხარ თუ არა პასუხისმგებელი? მიპასუხა- დიახ, ვარო. ეს ფოტოები რომც არ ყოფილიყო, თავიდანვე ვამბობდი, რომ ავტომობილი ოთხი დღე მანდ ვერ იქნებოდა.
ახლა მთელი ორიენტირება ხდება იმაზე, დავით ფურცხვანიძეს ათქმევინონ, თითქოსდა ეს ყალბი სურათები მას მე დავავალე და შევუკვეთე, რადგან ეს სურათები რომ არ იყოს, იმდენად გაჭირვებულ მდგომარეობაშია გამოძიება, ჩემი პოზიციიდან გამომდინარე, რასაც მე ვამტკიცებ, და რასაც არ აკეთებენ. გამოძიების მხრიდან ყველაფერი არის სიყალბე და მაგით უნდათ, რომ საქმეს ჩამომაშორონ“, - განაცხადა მიხეილ რამიშილმა.
სიახლეები
- "გვარამიას საქმეზე სტრასბურგის გადაწყვეტილების შემდეგ, კარგი იქნება, თუ კელი დეგნანი და ევროკავშირის ყოფილი ელჩი ბოდიშს მოიხდიან ქართული სასამართლოს წინაშე" - სოზარ სუბარი
- "დავიწყეთ მოლაპარაკება უცხოურ და ქართულ ავიაკომპანიებთან, რათა EURO 2024-თან დაკავშირებით, ფრენების სიხშირესთან ერთად, გერმანიის მიმართულებით ჩარტერული რეისებიც დაემატოს" - ირაკლი ქარქაშაძე
- სოკო ნიგვზითა და მწვანე ხახვით
- უკრაინის საჰაერო ძალების ცნობით, რუსეთს 26 დრონი გაუნადგურეს
- პაპუაშვილის თქმით, სტრასბურგის სასამართლომ არც კი განიხილა გვარამიას საქმე, „მიხვდა, საქმე ჰქონდა დამნაშავესთან"