მარინა ეზუგბაიას განმარტებით, თავდაცვის საუკეთესო საშუალება დისტანცია და პირბადეების ტარებაა.

„16 აპრილის შემდეგ, დღეს კორონავირუსით ინფიცირების ყველაზე მაღალი მონაცემი გვაქვს.

მართალია, ამ მატების ძირითადი წყარო არის საკონდიტრო მაღაზია „დონა“, მაგარმ ეს დამშვიდების საშუალებას არ გვაძლევს. ახალი წყარო მეტყველებს, რომ თავი უნდა დავიცვათ, რეგულაციები უნდა შევასრულოთ. ამის საუკეთესო საშუალებაა დისტანცირებაა და პირბადე. მოვუწოდებ ყველას, დავიცვათ საკუთარი თავი პირბადეების და დისტანციის საშუალებით.

რა თქმა უნდა, კონტროლის მექანიზმები უნდა გამკაცრდეს შესაბამის სამსახურების მიერ. კონტროლის გამკაცრებაზე ძირითადად საუბრია იქ, სადაც თავშეყრის ადგილებია. ეს არის სავაჭრო ობიექტი, ტრანსპორტი და ყველა ის ადგილი, სადაც 10 კაცზე მეტი შეიძლება შეიკრიბოს“,-განაცხადა ეზუგბაიამ.

შეგახსენებთ, საქართველოში აპრილის შემდეგ კორონავირუსის რეკორდულად მაღალი მაჩვენებელი - 38 ახალი შემთხვევა დაფიქსირდა.