"ვიკრიბებით ქუთაისის ცენტრალურ მოედანზე, 18:00 სთ-ზე, სოლიდარობა უკრაინას," - ნათქვამია სოციალურ ქსელში გავრცელებულ ინფორმაციაში.

შეგახსენებთ, რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას განახორციელა. შეტევა რუსეთმა ერთდროულად რამდენიმე დიდი ქალაქის, მათ შორის კიევის დაბომბვით დაიწყო. ამ დროის მონაცემებით, ქალაქებთან ერთად დაბომბილია რამდენიმე სტრატეგიული ობიექტი. არიან გარდაცვლილები და დაშავებულები.