ორდღიანი ექსპოზიცია, 10 ივლისს, 20:00 საათზე გაიხსნა და 11 ივლისს, 18:00 საათზე დაიხურა.

ვიზიტორები ინდივიდუალურად, პოლიტიკური გაზვიადებისა და ინტერპრეტაციების გარეშე განიცდიდნენ რუსეთის მიერ ჩადენილ შემზარავ სისასტიკეს, რასაც ათასობით მშვიდობიანი მოქალაქე ემსხვერპლა და რაც ასიათასობით დევნილმა გამოიარა.

FirstNews.ge გამოფენაზე დამთვალიერებელ, აფხაზეთიდან დევნილებს, ესაუბრა. მათი თქმით ეს მძიმე კადრები ბევრს საკუთარი თვალითაც აქვს ნანახი.

"ძალიან მძიმე კადრებია, ასეთი გენოციდი საშინელებაა. დღე არ გავა, რომ არ გავიხსენოთ ჩვენი აფხაზეთი, მაგრამ ამაზე ხმამაღლა ნაკლებად ვსაუბრობთ. რუსეთმა აფხაზეთში სრული ჯოჯოხეთი მოაწყო,"- განაცხადა ჩვენთან საუბარში ერთ-ერთმა ვიზიტორმა.

შეგახსენებთ, რომ კამპანია იმავე ექსპოზიციით თბილისში, კლუბ KHIDI-ში 24 მაისს გაიხსნა.