ქუთაისის მერიასა და რაგბის კლუბს შორის დადებული ურთიერთანამშრომლობის მემორანდუმის ფარგლებში, სპორტსმენებს სპორტული ინვენტარი და ფორმები გადაეცათ.

„ქართული რაგბის წარმატებების ისტორია დიდწილადაა დაკავშირებული ქუთაისთან. სასიხარულოა, რომ უკვე გვაქვს ქალთა რაგბის კლუბიც, რომელსაც ქუთაისის მერია მხარს დაუჭერს, რათა კლუბი განვითარდეს და ისეთივე წარმატებებს მიაღწიოს , როგორც ლეგენდარულმა „აიამ“.

დღეს ჩვენს სპორტსმენებს შევხვდით და სპორტული ფორმები გადავეცით. გუნდის წევრებთან და კლუბის პრეზიდენტ მაია სიმონიძესთან ერთად ქალთა რაგბის განვითარებასა და ჩვენს მომავალ თანამშრომლობაზე ვისაუბრეთ,"- განაცხადა იოსებ ხახალეიშვილმა.