" სტიქიის ეპიცენტრში მიწის მასის 60% უკვე გადამოწმებულია - 18 ლოკაციაზე მიმდინარეობს წერტილოვანი გადამოწმება"- თემურ მღებრიშვილი
საგანგებო სიტუაციების მართვის სამსახურის უფროსის თემურ მღებრიშვილის განცხადებით, შოვში, სტიქიის ეპიცენტრში მიწის მასის 60% უკვე გადამოწმებულია.
მან ჟურნალისტებთან აღნიშნა, რომ მსხვერპლთა რიცხვი არ შეცვლილა - დაღუპულია 24 ადამიანი, ეძებენ 9-ს და 4 ფრაგმენტია ნაპოვნია.
„მიმდინარეობს ინტენსიური სამუშაოები, როგორც სტიქიის ზონაში, ასევე რიონისა და ჭანჭახის მდინარის კალაპოტებში. საძიებო სამუშაოების მიზნით, სტიქიის ეპიცენტრში მიწის მასის 60% უკვე გადამოწმებულია. ასევე, მინდა მოგახსენოთ, რომ მდინარის კალაპოტებში 54 კმ-ის მონაკვეთი, რომელიც არის ამბროლაურის აეროპორტის მიმდებარე ტერიტორია, 18 ლოკაციაზე მიმდინარეობს კონკრეტული წერტილოვანი გადამოწმებები. გარდაცვლილების სტატისტიკა არ შეცვლილა- არის 24 ადამიანი დღეის მონაცემებით, 9 ადამიანის ძებნა მიმდინარეობს. ასევე, 4 ფრაგმენტია აღმოჩენილი, ეს არის კიდურის ნაწილები“, - განაცხადა მღებრიშვილმა.
ამასთან, მან მადლობა გადაუხადა „საქართველოს წითელი ჯვრის საზოგადოებას“ გაწეული სამუშაოსთვის.
„მოქალაქეების ნაწილი თვითნებურად ცდილობდა მოძრაობებს.
„წითელი ჯვრის“ საშუალებით ეს საკითხი დარეგულირდა და ძირითადად, ეს ადამიანები, მოხალისეები ლოჯისტიკური კუთხით გვეხმარებიან, როგორც ჩვენ, ასევე თავდაცვას, ადგილზე მყოფ მძიმე ტექნიკის ოპერატორებს“, - განაცხადა მღებრიშვილმა.
სიახლეები
- რუსი ტურისტებისთვის ნორვეგიის საზღვარი დაიკეტა
- " ჯერ არც ბრძოლა დასრულებულა, არც ივანიშვილი, შესაბამისად, არც დავმარცხებულვართ და არც საბოლოოდ გაგვიმარჯვია - შუა ბრძოლაში ვართ და არც მოდუნების დროა "- ნიკა მელია
- " ძვირფასო ქართველო მეგობრებო, თქვენ მხოლოდ საქართველოსთვის არ იბრძვით, იბრძვით ევროპისთვის, თავისუფლებისა და დემოკრატიისთვის" - მაიკლ როთი
- " გვეუბნებოდნენ, რომ 2022 წელს სტატუსის არმიღებით ჩვენ დავკარგეთ მილიარდობით გრანტები - ქვეყანამ მიიღო კანდიდატის სტატუსი და ვკითხულობ, სად არის ეს მილიარდობით გრანტები? არ ჩანს!"- კახა კალაძე
- თეთრ სახლში ანტიდემოკრატიული უწოდეს საქართველოს პარლამენტში მიღებულ „აგენტების კანონს”