მხარის წარმომადგენლებმა დაცული ტერიტორიების სააგენტოს ხელმძღვანელისგან დეტალურად მოისმინეს ინფორმაცია, რა მდგომარეობაა თითოეულ ლოკაციაზე და რა რაოდენობის ვიზიტორებს იღებს აღნიშნული ობიექტები დღის მანძილზე. სათაფლიას აღკვეთილს, პრომეთეს, საწურბლიასა და ნავენახევის მღვიმეებს ყოველდღიურად ქართველებთან ერთად უცხოელი ვიზიტორებიც სტუმრობენ და ზოგადად ეცნობიან იმერეთის რეგიონში დაცულ ტერიტორიებსა და მღვიმეებს.

იმერეთის მღვიმეების დაცული ტერიტორიები მოიცავს: 1 ნაკრძალს, 1 აღკვეთილსა და 17 ბუნების ძეგლს. მათგან ამ ეტაპზე სრულად არის მოწყობილი და ვიზიტორებს ემსახურება სათაფლიას აღკვეთილი, პრომეთეს, საწურბლიას და ნავენახევის მღვიმეები.