კონფერენცია ტარდება ქუთაისის მერიის ინიციატივით პარტნიორ ორგანიზაციებთან ერთად - ,,ხიდი სოციალური ინკლუზიისთვის", რეაბილიტაციის ცენტრი ,,ნაიო",ფსიქოლოგიური მომსახურეობის ცენტრი ,,ღია სახლი". კონფერენცია დისკუსიის ფორმატით წარიმართება და მიზნად ისახავს ისეთ საკითხებზე მსჯელობას, როგორიცაა ადგილობრივი თვითმმართველობის მიღწევები და გამოწვევები სოციალური ინკლუზიის მიმართულებით.

პირველი სესია დაეთმობა ქუთაისის სკოლამდელ დაწესებულებებში არსებულ გამოწვევებს, ხოლო მეორე სესია- სპეციალური და დამატებითი საჭიროებების მქონე ბავშვებისთვის არსებული სერვისების სწორად მართვას. შეხვედრის ბოლოს ხელი მოეწერება “ადგილობრივი თვითმმართველობა სოციალური ინკლუზიისთვის“ ეთიკურ სტანდარტებზე შეთანხმებას ადგილობრივ დონეზე.