როგორც  სახელოსნოს ხელმძღვანელი ლილიანა მაისურაძე გვიყვება, სახელოსნო დაასაქმებს საოჯახო სასტუმროების დიასახლისებს, სოფლის პროდუქტების მწარმოებელ და რეწვით დაინტერესებულ ქალებს, რომლებიც სპეციალურად მათთვის შედგენილი პროგრამისა და აქტივობების დახმარებით შეიძენენ საჭირო ცოდნას.

იხილეთ ვიდეო ბმულზე.

პროექტი ხორციელდება გაეროს განვითარების პროგრამის პროექტის "რეგიონული და ადგილობრივი განვითარების მხარდაჭერა საქართველოში ფაზა 2" (FRLD2) ფარგლებში, რომელიც მიზნად ისახავს რეგიონში დასაქმებისა და მდგრადი ეკონომიკური განვითარების შესაძლებლობების შექმნას.

ინიციატივა მიმდინარეობს დეცენტრალიზაციის, კარგი მმართველობისა და ადგილობრივი ეკონომიკური განვითარების ხელშემწყობი კამპანიის #ჩაერთე_და_მართე, #მიეხმარე_შენს_მხარეს ფარგლებში, რომელსაც გაეროს განვითარების პროგრამა შვეიცარიის განვითარებისა და თანამშრომლობის სააგენტოს (SDC), ავსტრიის განვითარების სააგენტოს (ADC), დანიის საგარეო საქმეთა სამინისტროს და საქართველოს მთავრობის მხარდაჭერით ახორციელებს.