შაშკინი, მერაბიშვილი, ხაბეიშვილი, კაპანაძე რუსთავში პროვოკაციების მოწყობას ცდილობენ - პაპუაშვილი
"ქართული ოცნების" ერთ-ერთმა ლიდერმა, შალვა პაპუაშვილმა საარჩევნო დარღვევებთან დაკავშირებით ბრიფინგი გამართა.
"ბათუმში მე-17 უბანზე "ნაციონალური მოძრაობის" დამკვირვებელი აწარმოებდა ამომრჩევლის კონტროლს. თბილისში, მე-20 საარჩევნო უბანზე "ნაციონალური მოძრაობის" წარმომადგენელი სერგი კაკალაშვილი მანქანაში იმყოფებოდა, რომელსაც ჰქონდა სააგიტაციო მასალა და აწარმოებდა ამომრჩევლის აღრიცხვას 100-მეტრიანი რადიუსის შიგნით.
რუსთავში არის მთელი რიგი პროვოკაციების და არეულობის მოწყობის მცდელობების. იქ იმყოფებიან დიმიტრი შაშკინი, ვანო მერაბიშვილი, ლევან ხაბეიშვილი, გიორგი კაპანაძე და მთელი დღის განმავლობაში ისინი პროვოკაციებს აწყობენ სხვადასხვა უბანზე, ცდილობენ, არიონ სიტუაცია, ამიტომ ყველას მოვუწოდებ, განსაკუთრებული ყურადღება მიაქციონ რუსთავს.
ქარელში "ნაციონალური მოძრაობის" წარმომადგენელი გია კურტანიძე თავს დაესხა მედიის წარმომადგენელს - "ტვ მონიტორინგის" ჟურნალისტს. ვიდეო კადრებიც გავრცელდა, ის ფიზიკურად შეურაცხყოფს ამ ადამიანს, პირდაპირ სახეში ურტყამს მუშტს.
საერთო ჯამში კი, ზოგადად, მშვიდ გარემოში მიმდინარეობს ვითარება, თუმცა ცდილობენ, რომ მედიის საშუალებით წარმოაჩინონ გარკვეული არეულობები," - განაცხადა შალვა პაპუაშვილმა.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი