ვიდრე ციხიდან არ გამოგიყვან, მე სხვა საქმე არ მაქვს, ვამაყობ შენით - გიგი უგულავა სააკაშვილს
ამდენი ხნის თავზე თუ რამე გამაკვირვებდა და აღმაფრთოვანებდა ეს შენი დაბრუნება იყო, ისტორიული მასშტაბის აქტი „მოხიე“ თან მაგარი სიმსუბუქით, - ასე მიმართავს ფოთის მერობის ოპოზიციონერი კანდიდატი გიგი უგულავა საკუთარ წერილში საქართველოს მესამე პრეზიდენტ მიხეილ სააკაშვილს.
მისივე განცხადებით, სძულს აზრი, რომ მიხეილ სააკაშვილი ბიძინა ივანიშვილის ციხეშია და „სანამ ციხიდან არ გამოიყვანს, სხვა საქმე არ აქვს“.
,,მიშა, ვიცი რომ მაგრად და ჯანზე იქნები, ზედმეტს არ მოგწერ. არც შიმშილობის შეწყვეტას გთხოვ, უკეთ იცი შენ. ერთი მინდა გითხრა, რომ ამდენი ხნის თავზე თუ რამე გამაკვირვებდა და აღმაფრთოვანებდა, ეს შენი დაბრუნება იყო. ისტორიული მასშტაბის აქტი „მოხიე“ თან მაგარი სიმსუბუქით. ეს ჩვენი ეროვნული ციხეც ალბათ უნდა გენახა, მოკლედ, ისტორიულ სიმბოლიზმში ყველაფერი ჟანრის წესებით მიდის. აწი ცოტა გაძლებაც უნდა, ეს ხალხიც ნელა, მაგრამ იქოქება, შოკი და დაუჯერებელი იყო ხალხისთვის. მე ავდგები მალე და იცოდე, ვიდრე მაქედან არ გამოგიყვან მე სხვა საქმე არ მაქვს, ვერ ვიტან, მძულს ის აზრი, როცა წარმოვიდგენ, რომ შენ ბიძინას ციხეში ზიხარ. ბურთი მემჩხირება ყელში ბრაზისგან. დანარჩენს მიეხედება, წიგნებს არ გთავაზობ. არ მგონია, რომ ჩვენი გემოვნება მანდ დაემთხვეს. აბა შენ იცი, იყავი მხნედ და მტკიცედ, მე ვამაყობ შენით როგორც არასდროს“, - წერს გიგი უგულავა.
სიახლეები
- "სამარცხვინო რეზოლუციით ქართველ ხალხს გვითხრეს, გავათავისუფლოთ კრიმინალი სააკაშვილი და დასანქცირდეს ბიძინა ივანიშვილი, რომელმაც ეს ქვეყანა სიცოცხლის ფასად გადაარჩინა"
- "ჩანაწერი ვიზალიბერალიზაციაზე, რომელსაც 27-ვე სახელმწიფოს თანხმობა სჭირდება, რეზოლუციის ინიციატორი ევროპარლამენტარების მხრიდან მორიგი თაღლითობა და შანტაჟია"
- "ევროპამ უნდა აჩვენოს, რომ აშშ-ის ვასალი არ არის" - ემანუელ მაკრონი
- არასამთავრობო ორგანიზაციების წარმომადგენლები აცხადებენ, რომ ხელისუფლებასთან თანამშრომლობას აჩერებენ
- ევროპარლამენტი სააკაშვილის გათავისუფლებას, ივანიშვილის დასანქცირებას, ლგბტ პროპაგანდის წინააღმდეგ ცვლილებებისა და გამჭვირვალობის კანონპროექტის გაწვევას ითხოვს