ოკუპირებული აფხაზეთის დე ფაქტო საგარეო უწყება სალომე ზურაბიშვილის განცხადებას ეხმაურება
ოკუპირებული აფხაზეთის დე ფაქტო საგარეო საქმეთა სამინისტრო საქართველოს პრეზიდენტის სალომე ზურაბიშვილის პარლამენტში 11 დეკემბერის გამოსვლას ეხმაურება, რომელმაც ე.წ. სამხრეთ ოსეთსა და აფხაზეთს ოკუპირებული ტერიტორიები უწოდა.
„11 დეკემბერს, საქართველოს პრეზიდენტი სალომე ზურაბიშვილი გამოვიდა ოკუპირებულ ტერიტორიებზე მცხოვრები აფხაზურ და ოსურ მოსახლეობასთან დასაახლოებლად ახალი გზების ძიების მოწოდებით. ის დარწმუნებულია, რომ საქართველომ უნდა ეძებოს დაახლოების გზები“, - ნათქვამია ე.წ. სამინისტროს განცხადებაში.
მათივე განცხადებით, საქართველოში მართლაც რომ გაჩნდეს დაინტერესება იმისა, რომ მოხდეს აფხაზეთთან არსებული პოლიტიკის შეცვლა, ახალი მიდგომები, უპირველეს ყოვლისა, უნდა გაჩენილიყო ჟენევის დისკუსიის მოედანზე.
„თუმცა, როგორც ჟენევის მოლაპარაკებების 51-ე რაუნდმა აჩვენა, საქართველო თავისი პოლტიკის შეცვლისთვის ჯერ მზად არ არის. წინააღმდეგ შემთხვევაში, ქართული მხარე გამოავლენდა გაცილებით კონსტრუქციულ პოზიციას და არ გაჯიუტდებოდა ხელი მოეწერა შეთანხმებაზე აფხაზეთთან ძალის გამოუყენებლობის შესახებ“ - განაცხადეს დე ფაქტო უწყებაში.
სიახლეები
- "აუცილებელია, გამოვტაცოთ ხელიდან საარჩევნო კომისია და არავითარ შემთხვევაში, არანაირი სახეცვლილი ფორმით არ დავუშვათ „რუსული კანონის“ მიღება, რომელიც ფაქტობრივად არჩევნებსაც აუქმებს"
- "გარედან თავსმოხვეული ე.წ. პოლარიზაციის დაძლევა არის ჩვენი პასუხისმგებლობა ქართველი ხალხის წინაშე, რომელმაც ქვეყნის მართვის მანდატი უკვე რვაჯერ მოგვანიჭა"
- "ვაფრთხილებ რადიკალური ოპოზიციის ძალადობრივი დაჯგუფებების თითოეულ წევრს, ძალადობისთვის კანონის წინაშე ყველა უმკაცრესად აგებს პასუხს"
- "ჩვენი ქვეყანა თავისი განვითარების ერთ-ერთ რთულ მონაკვეთს გადის, მშვიდობა ყველას გვინდა, მაგრამ მისი მიღწევა ხშირად გვიჭირს, რადგან არ ვიქცევით სწორად"
- "გუშინდელი აქცია იყო უფრო ხალხმრავალი, ვიდრე „მაიდნებზე“ უკრაინაში, „ეროვნული მოძრაობის“ გარიჟრაჟზე 9 აპრილს და „ვარდების რევოლუციის“ დროსაც კი"