ამ გვერდის ამობედვა

ისრაელის საჰაერო იერიშების შედეგად 492 ადამიანი, მათ შორის 35 ბავშვი- ლიბანის ჯანდაცვის უწყება

ლიბანში ისრაელის საჰაერო იერიშების შედეგად დაღუპულთა რაოდენობა 492-მდე გაიზარდა, - ამის შესახებ ინფორმაციას ლიბანის ჯანდაცვის სამინისტრო ავრცელებს.

უწყების ცნობით დაღუპულებს შორის 35 ბავშვი და 58 ქალია. დაშავებულთა რაოდენობა კი 1 645 -ს აღწევს.

ამასთან, ჯანდაცვის მინისტრის, ფირას აბიადმა განაცხადა, რომ ავიაიერიშების გამო ათასობით ოჯახმა საცხოვრებელი სახლები დატოვა.

ისრაელის თავდაცვის ძალების ინფორმაციით, „ჰეზბოლას“ ინფრასტრუქტურის განადგურების მიზნით მიმდინარე ოპერაციის ფარგლებში დაჯგუფების 1 300 ობიექტს დაარტყეს. ამასთან, მათივე ცნობით, „ჰეზბოლამ“ ლიბანიდან ისრაელის მიმართულებით 200-ზე მეტი რაკეტა გაუშვა.

მსოფლიო ლიდერები მხარეებს თავშეკავებისა და ყოვლისმომცველი ომის თავიდან აცილებისკენ მოუწოდებენ.

წაკითხვა 200 ჯერ განახლდა განახლდა სექტემბერი 24 2024

სიახლეები