7 ნოემბრის მოვლენებიდან 17 წელი გავიდა
2007 წელს ოპოზიციის მიერ ორგანიზებული ანტისახელისუფლებო პროტესტი და აქციები დარბევითა და ტელეკომპანია „იმედში“ შეჭრით, საგანგებო მდგომარეობის გამოცხადებითა და ვადამდელი არჩევნების დანიშვნით დასრულდა.
მაშინდელი პრეზიდენტის, მიხეილ სააკაშვილის გადადგომის მოთხოვნით ქუჩაში გამოსულ აქციის მონაწილეებს ხელისუფლება რეზინის ტყვიებით, ხელკეტებით, წყლის ჭავლითა და ცრემლსადენი გაზით სასტიკად გაუსწორდა. რუსთაველის გამზირზე განვითარებული მოვლენების შემდეგ, ეპიცენტრში რიყე მოექცა. აქციების ძალისმიერი დარბევის შედეგად მძიმედ დაშავდა და დაზარალდა ასეულობით ადამიანი. დღის დასასრულს კი სპეცდანიშნულების რაზმი ბადრი პატარკაციშვილის კუთვნილ ტელეკომპანია „იმედში“ შეიჭრა და არხი გათიშა.
7 ნოემბრის აქციის დარბევისა და ტელეკომპანია „იმედში“ შეჭრის საქმეზე, ამ დრომდე საქალაქო სასამართლოში ყოფილი პრეზიდენტის, მიხეილ სააკაშვილის საქმის განხილვა მიმდინარეობს. 7 ნოემბრის აქციის დარბევის, „ტელეიმედში“ შეჭრისა და მთაწმინდის პარკის ჩამორთმევის საქმეზე უფლებამოსილების გადამეტების ბრალდება წარდგენილი აქვთ მიხეილ სააკაშვილს, დავით კეზერაშვილს, ზურაბ ადეიშვილს, გიგი უგულავასა და ვანო მერაბიშვილს.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა