"მოლაპარაკებები ინტენსიურ რეჟიმში მიმდინარეობს" - შს მინისტრის მოადგილე
შინაგან საქმეთა მინისტრის მოადგილე, ვლადიმერ ბორცვაძე ამბობს, რომ ზუგდიდში მოლაპარაკებები ინტენსიურ რეჟიმში მიმდინარეობს. ის მედიიის წარმომადგენლებსაც მიმართავს და მოვლენების პირდაპირ ეთერში გაშუქებისგან თავის შეკავებისკენ მოუწოდებს.
"მოლაპარაკებების შედეგად, ორი მძევალი გათავისუფლებულია. მოლაპარაკებები ინტენსიურ რეჟიმში მიმდინარეობს. შინაგან საქმეთა სამინისტრო და ყველა სამართალდამცავი უწყება აკეთებს ყველაფერს იმისთვის, რომ მძევლები უსაფრთხოდ დავაბრუნოთ მათ ოჯახებში.
მოლაპარაკებების დეტალებზე არ ვისაუბრებ მიზანმიმართულად.
ერთი თხოვნა მაქვს მედიის წარმომადგენლებთან, რომ შემთხვევის ადგილის მიმდებარე ტერიტორიის პირდაპირ ეთერში გაშუქება არ მოვახდინოთ, იმიტომ, რომ ეს ყველაფერი ხელს უშლის მოლაპარაკებების პროცესს და მაქსიმალური ზიანი რომ თავიდან ავიცილოთ, გთხოვთ, თავი შეიკავოთ პირდაპირ ეთერში შემთხვევის ადგილის და მიმდებარე ტერიტორიის გაშუქებისგან,“ - განაცხადა ვლადიმერ ბორცვაძემ.
სიახლეები
- საქართველოს რკინიგზა 21 და 22 აპრილს თბილისი-ფოთი-თბილისის და თბილისი-ბათუმი-თბილისის მიმართულებით რეისებს ამატებს
- "საქართველოში არჩევნების გაყალბება და საგარეო კურსის შეცვლა მოგონილი თემებია, სიმართლე ჩვენს მხარესაა და მოსახლეობა მხარს ჩვენ გვიჭერს"
- "ჩვენ ვამბობთ, რომ ქართველი ხალხის ვიზით შანტაჟი ჩვენთვის მიუღებელია - შანტაჟის ქვეშ ეროვნული საქმე არ კეთდება"
- უცხოური ვალუტის ოფიციალური კურსი 18 აპრილისთვის
- "ყოველთვის ვთვლიდით, რომ პრეზიდენტ ზურაბიშვილთან არსებული კოორდინაციის პლატფორმა მნიშვნელოვანი ფორმატია საერთო მიზნებისთვის, ვაგრძელებთ თანამშრომლობას"