ქვეყანაში ვაქცინები არათანაბრად ნაწილდება - რა პრობლემებზე საუბრობს ბიძინა კულუმბეგოვი
"ქვეყანაში არათანაბრად ხდება ვაქცინების გადანაწილება.
თუ ქალაქებში იქნებიან აცრილები და რეგიონებში არა, გაგვიჭირდება პანდემიის გლობალური გაკონტროლება" - ამის შესახებ ალერგოლოგ-იმუნოლოგმა ბიძინა კულუმბეგოვმა ForbesTalks-ში განაცხადა.
მისი თქმით, პანდემიის ამ ეტაპზე ორჯერადად აცრილი ადამიანების რიცხვი სამიზნე მაჩვენებელთან შედარებით ზღვაში წვეთია.
„ცოტა არათანაბრად ხდება ვაქცინების გადანაწილება. ის შედეგი, რაც გვაქვს თბილისის, ბათუმის, ქუთაისის ხარჯზე მივაღწიეთ. სერიოზული მხარდაჭერა სჭირდება, თუნდაც სოფლის მოსახლოების მობილიზების მხრივ. ბევრი დამაბრკოლებელი ფაქტორია და თუ ნაწილი ქალაქების მოსახლეობა იქნებ აცრილი და რეგიონებში არა, გაგვიჭირდება პანდემიის გლობალური გაკონტროლება.
ორი სახის პრობლემა ჩანს, მაგალითად თბილისში გამტარუნარიანობის პრობლემაა, რაც გარკვეულწილად შეამცირა ვაქცინაციის ცენტრებში რეგისტრაციის გარეშე ვაქცინაციის შესაძლებლობის გაჩენამ, მაგრამ ადამიანების დიდ ნაწილს არ უნდა რიგში დგომა, რადგან რიგით უზრუნველყოფა გართულებულია. რეგიონებში პირიქით, გამტარუნარიანობა კარგად არის უზრუნვეყოფილი, მაგრამ მომართვიანობა არ არის ისეთი, რომელიც ჩვენ გვინდა. ამას სჭირდება სერიოზული სტიმულირება“-აცხადებს კულუმბეგოვი.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე