ყველა მოქალაქეს სრულად დაუფინანსდება ძუძუს კიბოს სამკურნალო მედიკამენტები
2024 წლიდან საქართველოს ყველა მოქალაქეს სრულად დაუფინანსდება ძუძუს კიბოს სამკურნალო მედიკამენტები. თბილისის მოსახლეობისთვის საჭირო ხარჯს მუნიციპალიტეტი დაფარავს, რეგიონებისას კი - ჯანდაცვის სამინისტრო
ამ დრომდე მედიკამენტები უფინანსდებოდათ სოციალურად დაუცველ ჯგუფებს, თუმცა ახლა სოციალური სტატუსი განმსაზღვრელი აღარ იქნება.
"ჯანდაცვისა და სოციალური მომსახურების საქალაქო სამსახური, აღნიშნულ ცვლილებამდე, პროგრამით გათვალისწინებულ მომსახურებას სოციალურად დაუცველის სტატუსის არმქონე პირებს მხოლოდ 80%-ით, რიგ შემთხვევაში კი - 50%-ით უფინანსებდა. აღნიშნული გადაწყვეტილება კი პაციენტებისა და მათი ოჯახების ფინანსურ ტვირთს მნიშვნელოვნად შეამსუბუქებს", - თქვა თბილისის მერმა კახა კალაძემ დედაქალაქში რეგისტრირებულ მოსახლეობაზე საუბროს დროს.
უფრო ადრე, 22 ნოემბერს, ჯანდაცვის სამინისტრომ გაავრცელა ინფორმაცია, რომლის მიხედვითაც, უწყებამ ინოვაციური ონკოლოგიური მედიკამენტების პირდაპირი შესყიდვის წესით, "მნიშვნელოვნად დაბალ ფასად" შეძენა დაიწყო.
ჯანდაცვის მინისტრის, ზურაბ აზარაშვილის თქმით, მომავალი წლიდან სახელმწიფო ონკოლოგიურ პაციენტებს სრულად დაუფინანსებს მკურნალობის კურსს.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე