ქუთაისის აეროპორტი ორი კვირით იკეტება
დავით აღმაშენებლის სახელობის ქუთაისის საერთაშორისო აეროპორტი ასაფრენი ბილიკის რემონტთან დაკავშირებით დღეიდან 24 ოქტომბრამდე დაიკეტება,- ამის შესახებ საქართველოს აეროპორტების გაერთიანების პრეს-სამსახურში აცხადებენ.
აეროპორტის 2,5 კილომეტრიანი ასაფრენი ბილიკის გეგმური რემონტი ოქტომბერშია გაწერილი. გაერთიანებამ ტენდერი 8 მლნ ლარზე უკვე გამოაცხადა. რემონტი მთლიანად კომპანიის შემოსავლების ხარჯზე გაკეთდება.
აეროპორტების გაერთიანების ინფორმაციით, ავიაკომპანიები, რომლებიც ქუთაისში მუშაობენ, დროებით თბილისიდან იფრენენ.
კერძოდ, ავიაკომპანია Flyarystan იფრენს კვირაში შვიდი სიხშირით, Wizz Air - კვირაში 39 რეისს შეასრულებს. კომპანია Wizz Air Abu-Dhabi კვირაში ოთხ რეისს შეასრულებს. რაც შეეხება ავიაკომპანია „ბელავიას", ის დაგეგმნილს კიდევ სამ რეისს დაამატებს ბათუმის აეროპორტიდან.
უფრო ადრე აეროპორტების გაერთიანების დირექტორმა თამარ არჩუაძემ განაცხადა, დაგეგმილია აეროპორტის ასაფრენ-დასაფრენი 2,5 კმ სიგრძის ბოლოკის სრული რეაბილიტაცია.
სიახლეები
- "ძალადობაა, როცა ზეწოლის გზით გაიძულებენ გაიმეორო მათი „მესიჯები" - კახა კალაძე
- "კანონის გაუქმებას ითხოვენ, რადგან არავის სიამოვნებს გამჭვირვალობა, ეს გასაგებია, თუმცა ვერ იქნება მისაღები ჩვენთვის"
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი