"დავასრულეთ გადასახური მასალების გადაცემა იმ ოჯახებისთვის, რომლებიც ძლიერი ქარის შედეგად დაზარალდნენ" -გიორგი ჭიღვარია
ქუთაისის მერმა გიორგი ჭიღვარიამ, იმერეთში სახელმწიფო რწმუნებულის მოადგილესთან ბესიკ გოფოძესთან, ინფრასტრუქტურის სამინისტროს წარმომადგენლებთან და ქუთაისის მერის მოადგილესთან იუზა უგულავასთან ერთად, სტიქიით დაზარალებულ ოჯახებში, სახლის გადასახური მასალა მიიტანა და ვითარებას ადგილზე გაეცნო.
ძლიერი ქარისგან, ქალაქის მასშტაბით თხუთმეტი ოჯახი დაზარალდა. ზარალის ოდენობას ამ დრომდე სწავლობენ მერიის საბინაო სამსახურის წარმომადგენლები. დაზარალებული ოჯახებისთვის, გადასახური მასალის თანხა რეგიონული განვითარების და ინფრასტრუქტურის სამინისტრომ გამოყო.
"უკვე დავასრულეთ გადასახური მასალების გადაცემა იმ ოჯახებისთვის, რომლებიც ძლიერი ქარის შედეგად დაზარალდნენ და სახლის სახურავის გარეშე დარჩნენ, ან სახურავი დაუზიანდათ. ამაში რეგიონული განვითარების და ინფრასტრუქტურის სამინისტრო გვეხმარება. ჩვენს სამსახურებთან ერთად ამ დრომდე ვმუშაობთ, რათა დროულად მოხდეს ყველა ოჯახის პრობლემის გადაჭრა,"- განაცხადა ქუთაისის მერმა გიორგი ჭიღვარიამ.
სიახლეები
- "სამარცხვინო რეზოლუციით ქართველ ხალხს გვითხრეს, გავათავისუფლოთ კრიმინალი სააკაშვილი და დასანქცირდეს ბიძინა ივანიშვილი, რომელმაც ეს ქვეყანა სიცოცხლის ფასად გადაარჩინა"
- "ჩანაწერი ვიზალიბერალიზაციაზე, რომელსაც 27-ვე სახელმწიფოს თანხმობა სჭირდება, რეზოლუციის ინიციატორი ევროპარლამენტარების მხრიდან მორიგი თაღლითობა და შანტაჟია"
- "ევროპამ უნდა აჩვენოს, რომ აშშ-ის ვასალი არ არის" - ემანუელ მაკრონი
- არასამთავრობო ორგანიზაციების წარმომადგენლები აცხადებენ, რომ ხელისუფლებასთან თანამშრომლობას აჩერებენ
- ევროპარლამენტი სააკაშვილის გათავისუფლებას, ივანიშვილის დასანქცირებას, ლგბტ პროპაგანდის წინააღმდეგ ცვლილებებისა და გამჭვირვალობის კანონპროექტის გაწვევას ითხოვს