ავტომშენებლის ქუჩაზე გაჩენილი ხანძრით დაზარალებული ოჯახები ქუთაისის მერმა მოინახულა
ავტომშენებლის ქუჩაზე გაჩენილი ხანძრით დაზარალებული ოჯახები ქუთაისის მერმა მოინახულა.
აღნიშნულ ქუჩაზე, საცხოვრებელი კორპუსის მეორე სართულზე ბინა დაიწვა.
შემთხვევის ადგილზე იმყოფება ქუთაისის მერი გიორგი ჭიღვარია, რომელიც ადგილზე არსებულ მდგომარეობას გაეცნო. ქუთაისის მერის განცხადებით მიმდინარეობს ზარალის დათვლა. იმ ოჯახებს კი რომლებიც ხანძრის შედეგად დაზარალდნენ, ქალაქის მერია დროებით საცხოვრებლად სასტუმროში გადაიყვანს.
შემთხვევის ადგილზე შესაბამისი სამსახურები მუშაობენ და მიმდინარეობს ტერიტორიის დასუფთავება.
ხანძრის გამომწვევი მიზეზი ამ დროისთვის უცნობია. მომხდარის შედეგად კორპუსში რამდენიმე საცხოვრებელი დაზიანდა.
30-მდე მეხანძრე-მაშველმა კორპუსიდან მოსახლეობის ევაკუაცია პირველივე წუთებში განახორციელა. ყველა მათგანი უსაფრთხო ადგილზეა გადაყვანილი. ხანძრის ქრობის პროცესში, ცოცხალ ძალასთან ერთად, 10-მდე სახანძრო და სამაშველო ტექნიკა იყო ჩართული.
მომხდარის შედეგად, 7 ადამიანი დაშავდა, რომლებიც სასწრაფო სამედიცინო დახმარების ჯგუფებმა საავადმყოფოში გადაიყვანეს.
პოლიციამ ფაქტზე გამოძიება უკვე დაიწყო.
სიახლეები
- რა წნეხში მოვექცევით, თუ რუსეთი ბაქოსა და ერევანზე კონტროლს საბოლოოდ დაკარგავს
- "ქართული ოცნების“ პოლიტსაბჭოს განცხადება იმას აჩვენებს, რომ ისინი ერთობლივად დგებიან სანქციების წინაშე და გარკვეულწილად, იგერიებენ დასავლეთს"
- "დასავლეთმა სსრკ-ს დაშლის შემდეგ რუსეთის ინტერესების იგნორირება გადაწყვიტა" - ვლადიმერ პუტინი
- ,,შეუძლებელია, ევროპა იყოს იქ, სადაც წამების სისტემის შემქმნელი დიქტატორის სასჯელისგან გათავისუფლებას ითხოვენ"
- "რიჟვაძე 99% თავს იკლავდა - ვიღაცები სთხოვდნენ, სავარაუდოდ, ფულს და საკუთარი გარემოცვიდან ხალხის “ჩაშვებას” - ზურაბ ჯაფარიძე