"მე მათ მხარეს ვარ და ვიქნები" - გია ხუხაშვილი
ექსპერტი გია ხუხაშვილი სოციალურ ქსელში პოსტს აქვეყნებს.
ხუხაშვილი "ნამახვანჰესის" მშენებლობის წინააღმდეგ მიმართულ აქციებსა და რიონის ხეობაში მიმდინარე პროცესებს ეხმაურება.
"შეიძლება გაგიკვირდეთ, მაგრამ მინდა გითხრათ, რომ ჰესის მშენებლობის მომხრეთა პრაქტიკულად ყველა არგუმენტს ვიზიარებ.
ამასთანავე, მიმაჩნია რომ მთავარი ფასეულობა ამ ქვეყანაში ადამიანია. ის "შუქიც" მისთვის გვჭირდება.
და თუ ამ ადამიანს უჩნდება განცდა, რომ შუქი მისი საარსებო გარემოს ხარჯზე გვექნება, სვამს კითხვებს და პასუხად ტალახის სროლას, ცილისწამებას, შეურაცხყოფას იღებს ხალხისგან, რომელსაც ერთი დღეც არ უსუნთქია რიონის ხეობის ჰაერით, გამონაბოლქვით გაჟღენთილი ვაკის ჰავას არის მიჩვეული, კარგი განათლება მიიღო, კარგად ცხოვრობს, აბსოლუტურ ღირებულებად შუქი და შესაბამისი კომფორტი მიაჩნია.
არ აინტერესებს ამ ხალხის განცდა, თუნდაც მცდარი და უარგუმენტო - გიცხადებთ, რომ მე მათ მხარეს ვარ და ვიქნები.
სოლიდარობას ვუცხადებ ვარლამ გოლეთიანს, მარიტა მუსელიანს, მაკა სულაძეს და ყველა იმ ადამიანს, ვისაც გულწრფელად სჯერა, რომ უხეშად შეეხენ მათ საარსებო გარემოს, მათ წარსულს, აწმყოს და მომავალს", - წერს გია ხუხაშვილი სოციალურ ქსელში.
სიახლეები
- ტირამისუ
- "სალომე ზურაბიშვილი კონსტიტუციის დარღვევის შემდეგ, ახლა უკვე ქართველი ხალხის დაცინვაზე გადავიდა - „ერთდღიანი კანონი უნდა მივიღოთ“, ხალხის დაცინვაა" - შალვა პაპუაშვილი
- „უცხოური გავლენის გამჭვირვალობის შესახებ“ პროექტზე ევროსაბჭოს წიაღში არსებული, საერთაშორისო ექსპერტების მიერ მომზადებულ დასკვნას აქვეყნებს, რომელიც მისივე განმარტებით, „უმძიმეს შეფასებებს“ მოიცავს " - ანა ნაცვლიშვილი
- "ახალგაზრდებს პირდაპირი ეთერის ფორმატში საჯარო დისკუსიაში მონაწილეობა შევთავაზე, თუმცა იმავე წამს რადიკალებს მხრიდან ახალგაზრდების ბულინგი დაიწყო და ამ პირობებში ვერც ერთმა ჯგუფმა მონაწილეობა ვერ გარისკა" - პრემიერი
- მთავრობა ევროპის ჩემპიონატისთვის თვითმფრინავის 3000 ბილეთის სუბსიდირებას გეგმავს