ძალიან ცოტა დარჩა ეფექტური და უსაფრთხო ვაქცინები - რა ინფორმაციას ავრცელებს კულუმბეგოვი
ალერგოლოგ-იმუნოლოგი ბიძინა კულუმბეგოვი სოციალურ ქსელში კორონავირუსის საწინააღმდეგო ვაქცინის - "კურევაკის" მესამე ფაზის კვლევის შედეგებს აქვეყნებს. აღნიშნული კვლევების თანახმად, ვაქცინამ მხოლოდ 47 პროცენტიანი ეფექტურობა აჩვენა.
კულუმბეგოვის თქმით, სულ უფრო ცოტა რჩება უსაფრთხო და ეფექტური ვაქცინა, ამიტომ ალერგოლოგი მოქალაქეებს მოუწოდებს, რაც შეიძლება სწრაფად აიცრან ხელმისაწვდომი ვაქცინებით.
"კურევაკი (CureVac) - გერმანული წარმოების mRNA ვაქცინა (ფაიზერის და მოდერნას ანალოგი), რომელსაც ძალიან ვგულშემატკივრობდი, სამწუხაროდ მესამე ფაზის კვლევის წინასწარი შედეგებით მხოლოდ 47%-იანი ეფექტიანობას აჩვენებს. ევროკავშირის ქვეყნებს წინასწარ განაცხადი ქონდათ გაკეთებული 400 მილიონი დოზის შესყიდვაზე.
ძალიან ცოტა დარჩა სამწუხაროდ ეფექტური და უსაფრთხო ვაქცინა, ამიტომ გავიკეთოთ რაც შეიძლება სწრაფად ის ვაქცინა, რომელიც ხელმისაწვდომია. ყველაზე საუკეთესო გზა თავი დავიცვათ დელტა (ინდური) ვარიანტისთან მაინც არის ვაქცინაცია!" - წერს ბიძინა კულუმბეგოვი.
სიახლეები
- "უკრაინისთვის საკვანძო სამხედრო დახმარების მიწოდების შესახებ დასავლეთის გადაწყვეტილებები ძალიან ნელია" - ზელენსკი
- უცხოური ვალუტის ოფიციალური კურსი 21 მაისისთვის
- "პირველ კვარტალში დასაქმებულთა რაოდენობამ 1 402 000 შეადგინა, რაც რეკორდულად მაღალი მაჩვენებელია" - ლევან დავითაშვილი
- ირანის პრეზიდენტის ცხედარს თავრიზიდან მეშჰედში გადაასვენებენ
- როგორი ამინდია მოსალოდნელი საქართველოში