"უკარგესი ამბები: "სინოვაკი" და "სინოფარმი" არაჩვეულებრივად იცავენ მძიმე კოვიდისგან, ბრწყინვალედაც კი"
ვაქცინოლოგი ნინო გოგიჩაძე "ფეისბუქის" პირად გვერდზე კორონავირუსის საწინააღმდეგო ვაქცინების - "სინოვაკისა" და "სინოფარმის" შესახებ უახლესი კვლევების შედეგებს გვიზარებს:
"უკარგესი ამბები: ინაქვიტირებული ვირუსები ("სინოვაკი" და "სინოფარმი") არაჩვეულებრივად იცავენ მძიმე კოვიდისგან. ბრწყინვალედაც კი.
ეს ინფორმაცია ხელმისაწვდომი გახდა ორი ბოლოდროინდელი სტატიით ორივე ძალიან პრესტიჟულ და სანდო ჟურნალშია გამოქვეყნებული (გამოსაქვეყნებელი). ერთი "ლანცეტში" გამოსაქვეყნებელი პრე-პრინტია. რაც იმას ნიშნავს, რომ ჯერ-ჯერობით სტატიას რეცენზია არ გაუვლია, მაგრამ გაივლის. და მეორე დაიბეჭდა New England Journal of Medicine-ში (NEJM), ანუ რეცენზია გავლილი აქვს.
1. კორონავაკი ("სინოვაკი") ეფექტურობა - კვლევა ჩატარებულია ჩილეში, გამოქვეყნებული NEJM-ში
ერთი დოზით აცრილ ადამიანებში 15.5% ეფექტურობა კოვიდ-19-ის თავიდან ასარიდებლად, 37.4% ეფექტურობა საავადმყოფოში მოხვედრისგან და 45.7% ეფექტურობა კოვიდ-19-ით გამოწვეული სიკვდილის წინააღმდეგ.
სრულად აცრილ ადამიანებში: 65.9% ეფექტურობა კოვიდ-19-ის თავიდან ასარიდებლად, 87.5% ეფექტურობა საავადმყოფოში მოხვედრისგან და 86.3% ეფექტურობა კოვიდ-19-ით გამოწვეული სიკვდილის წინააღმდეგ.
კიდევ უკეთესი ამბავი: 60 წელს ზევით ადამიანებში ეს ვაქცინა ისეთივე ეფექტურია როგორც <60წ.
მიუხედავად იმისა, რომ ამ კვლევის დროს ჩილეში ალფა და გამა ვარიანტები ცირკულირებდა, შეგვიძლია ვთქვათ, რომ ეს ვაქცინა (და პირადად მე "სინოფარმსაც" მივაყოლებდი "პრიკუპში") ძალიან ეფექტურია მძიმე კოვიდის და მისგან გამოწვეული სიკვდილის თავიდან ასარიდებლად
https://www.nejm.org/doi/full/10.1056/NEJMoa2107715
2. ლანცეტის პრე-პრინტი
ჩინეთში ჩატარებული კვლევის თანახმად, სადაც დელტა ციტრკულირებდა, ინაქტივირებული ვირუსების ვაქცინების ეფექტურობა ფილტვების ანთების წინააღმდეგ არის 69.5% და 100%-იანი ეფექტურობა აქვთ მძიმე დაავადების წინააღმდებ.
https://papers.ssrn.com/sol3/papers.cfm?abstract_id=3895639
აცრები გვიცავს და აცრები მუშაობს".
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი