"ალბათ არც უნდა ველოდეთ კოვიდსაწინააღმდეგო ისეთ წამალს, რომელსაც ვაქცინასთან მიახლოებული ეფექტურობა ექნება"
აკადემიკოს ვახტანგ ბოჭორიშვილის სახელობის კლინიკის გენერალური დირექტორი დავით გადელია სოციალურ ქსელში კოვიდსაწინააღმდეგო მედიკამენტების შესახებ წერს.
დავით გადელია ამბობს, რომ საზოგადოება არ უნდა ელოდოს ისეთ კოვიდსაწინააღმდეგო წამალს, რომელიც ვაქცინას ჩაანაცვლებს.
ამასთან, მედიკოსის თქმით, მედიკამენტები ძვირია.
"როგორც მოგახსენეთ და დაგეგმილი იყო, თვის დასაწყისში, გერმანიის დონაციით, ქვეყანამ მიიღო მონოკლონური ანტისხეულების შემცველი მედიკამენტების ორი ჯგუფი. მათი სახელები არაფერს გეტყვით და იმდენად რთულია - არც დაგამახსოვრდებათ. ერთი ჯგუფი გამოიყენება ამბულატორიული მკურნალობის პირობებში, ხოლო მეორე სტაციონარულად, მაგრამ ძალიან ადრეულ ეტაპზე - პირველ დღეებში, როცა დაავადებულ ორგანიზმს ჯერ თავად არა აქვს გამომუშავებული ანტისხეულები. ამიტომ, აუცილებელი ხდება ანტისხეულების კონტროლი.
ეს მედიკამენტები დასალევი რომ იყოს და 2-3 ლარი ღირდეს, ყველას გირჩევდით: "მიიღეთ, კარგია დაავადების გაღრმავების თავიდან ასაცილებლად-თქვა". მაგრამ, როცა 1200 დოლარი ღირს თითო გადასხმა და თან პერსონალის მეთვალყურეობის ქვეშ სჯობს ეს მოხდეს - ცხადია, შესაძლებლობები შეზღუდულია და მხოლოდ მაღალი რისკის - 65 წელს გადაცილებულ, თანდართული დაავადების მქონე პაციენტებით დავიწყებთ.
ერთი სიტყვით, კიდევ მინდა ხაზი გავუსვა იმ ანბანურ ჭეშმარიტებას, რაც კაცობრიობამ გამოცდილებით დიდი ხანია მიიღო: არ არსებობს პროფილაქტიკაზე ეფექტური მკურნალობა! არ არსებობს და ალბათ არც უნდა ველოდეთ კოვიდსაწინააღმდეგო ისეთ წამალს, რომელსაც ვაქცინასთან მიახლოებული ეფექტურობა ექნება და მით უფრო- ჩაანაცვლებს!", - წერს დავით გადელია სოციალურ ქსელში.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი