"ჩამოვიყვანოთ უკრაინელი ლტოლვილები, დავასვენოთ, გამოვკვებოთ, გული გავუთბოთ"
განათლების ყოფილი მინისტრი კახა ლომაია სოციალურ ქსელში უკრაინის ირგვლივ განვითარებულ მოვლენებს ეხმაურება და წერს, თუ როგორ უნდა დაეხმაროს საქართველო უკრაინის მოსახლეობას.
"საქართველოს მინიმუმი:
1. დაუყოვნებლივ აღვადგინოთ სავიზო რეჟიმი რუსეთთან - სიმეტრიულად იმ რეჟიმისა, რაც მათ აქვთ ჩვენი მოქალაქეების მიმართ.
2. რუსული თვითმფრინავებისთვის დაიკეტოს საქართველოს საჰაერო სივრცე, "უსაფრთხოების მოსაზრებებიდან გამომდინარე".
3. სამკურნალოდ და სარეაბილიტაციოდ ჩამოვიყვანოთ ომის დროს დაჭრილი უკრაინის მოქალაქეები - სამხედრო მოსამსახურეები და მშვიდობიანი მოქალაქეები.
4. ჩამოვიყვანოთ უკრაინელი ლტოლვილები, დავასვენოთ, გამოვკვებოთ, გული გავუთბოთ. ჩვენზე გაცილებით პატარა მოლდოვამ 30 ათასი უკრაინელი ლტოლვილი მიიღო.
5. გამოცხადდეს სისხლის დონაციის ეროვნული კამპანია - უკრაინას დაუყოვნებლივ სჭირდება სისხლის პლაზმა, სამხედრო მოსამსახურეებისთვის და მშვიდობიანი მოსახლეობისთვის.
6. უკრაინაში მივავლინოთ მედიკოსები და მაშველები.
ყველა ეს ზომა ხაზგასმით ჰუმანიტარულია, და მინიმუმია იმისა, რისი გაკეთებაც შეგვიძლია ახლავე, გადაუდებლად,"- წერს კახა ლომაია.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი