"სიბრიყვეა იმის მტკიცება, რომ ქუჩაში პოლიტიკოსებზე თავდასხმასთან ხელისუფლება არაფერ შუაშია!"
რესპუბლიკური პარტიის წევრებზე ხათუნა სამნიძესა და დავით ბერძნიშვილზე თავდასხმაში პასუხისმგებლობას ხელისუფლებას აკისრებს პოლიტიკოსი თინათინ ხიდაშელი.
„სამარცხვინო სიბრიყვეა იმის მტკიცება, რომ ქუჩაში პოლიტიკოსებზე თავდასხმასთან ხელისუფლება არაფერ შუაშია! დაუსჯელობა, 5 ივლისის ხან პირდაპირ და ხან მოგუდულად გამართლებაა ამგვარი “გაბედულების” მთავარი მიზეზი.
ქვეყანა ზარალდება, ყოველი ასეთი საჯაროდ გამოხატული ქმედება და დაუსჯელობა რეგრესის მაჩვენებელია, თორემ დათოს და ხათუნას ამით არაფერი უშავდებათ. სულ არაფერი,“- წერს თინათინ ხიდაშელი სოციალურ ქსელში.
შეგახსენებთ, რომ გუშინ „რესპუბლიკური პარტიის“ თავმჯდომარეს ხათუნა სამნიძესა და დავით ბერძენიშვილს რუსთაველის გამზირზე ორი უცნობი მამაკაცი თავს დაესხა და სიტყვიერი და ფიზიკური შეურაცხყოფა მიაყენა. ხათუნა სამნიძის შეფასებით, მას და დავით ბერძენიშვილს ორი პირი პოლიტიკურ ნიადაგზე დაესხა თავს.
შსს-მ საქმეზე 126-ე მუხლით, რაც ძალადობას გულისხმობს, ერთი პირი დააკავა. არსებული ინფორმაციით, დაკავებული პირი ირაკლი ხომასურიძეა.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი