"ევროპა ამ დღეებში საბოლოო პასუხს გვეტყვის. ჯერ კიდევ არის რაღაცის უკეთესობისკენ შეცვლის დრო"
უბრალოდ, ევროკავშირმა ცოტა დელიკატურად გვითხრა, რომ მეტი რეფორმა უნდა გავატაროთ, მეტი ხარისხი გვქონდეს დემოკრატიასა და სასამართლოში, მეტი კულტურა გვქონდეს ერთმანეთთან ურთიერთობაში, მეტად უნდა ითანამშრომლონ ჩვენმა პოლიტიკურმა სუბიექტებმა, მეტად უნდა ვიმოქმედოთ ევროპასთან დასაახლოებლად, - ამის შესახებ სოციალურ ქსელში ფოტოხელოვანი გოგა ჩანადირი წერს.
მისივე თქმით, ევროკავშირმა ასევე, გვითხრა, რომ უნდა შევამციროთ პოლარიზება-დაპირისპირება, არ გამოვიყენოთ სიძულვილის ენა, არ ვიყოთ ინფანტილურები, ვიაზროვნოთ უფრო გლობალურად და უფრო მეტი პასუხისმგებლობა გვქონდეს სახელმწიფოსთან და საზოგადოებასთან.
"გულწრფელი რომ ვიყო, იმედგაცრუებას ვგრძნობ, მაგრამ ფარ-ხმალი არ უნდა დავყაროთ.
ევროპა ამ დღეებში საბოლოო პასუხს გვეტყვის. ჯერ კიდევ არის რაღაცის უკეთესობისკენ შეცვლის დრო,"- წერს გოგა ჩანადირი.
შეგახსენებთ, რომ ევროკომისია ევროპულ საბჭოს რეკომენდაციას აძლევს, უკრაინას და მოლდოვას ევროკავშირის წევრობის კანდიდატის სტატუსი მიანიჭოს, საქართველოსთან დაკავშირებით კი აცხადებს, რომ საკითხს კონკრეტული პირობების შესრულების შემდეგ დაუბრუნდება.
სიახლეები
- "აუცილებელია, გამოვტაცოთ ხელიდან საარჩევნო კომისია და არავითარ შემთხვევაში, არანაირი სახეცვლილი ფორმით არ დავუშვათ „რუსული კანონის“ მიღება, რომელიც ფაქტობრივად არჩევნებსაც აუქმებს"
- "გარედან თავსმოხვეული ე.წ. პოლარიზაციის დაძლევა არის ჩვენი პასუხისმგებლობა ქართველი ხალხის წინაშე, რომელმაც ქვეყნის მართვის მანდატი უკვე რვაჯერ მოგვანიჭა"
- "ვაფრთხილებ რადიკალური ოპოზიციის ძალადობრივი დაჯგუფებების თითოეულ წევრს, ძალადობისთვის კანონის წინაშე ყველა უმკაცრესად აგებს პასუხს"
- "ჩვენი ქვეყანა თავისი განვითარების ერთ-ერთ რთულ მონაკვეთს გადის, მშვიდობა ყველას გვინდა, მაგრამ მისი მიღწევა ხშირად გვიჭირს, რადგან არ ვიქცევით სწორად"
- "გუშინდელი აქცია იყო უფრო ხალხმრავალი, ვიდრე „მაიდნებზე“ უკრაინაში, „ეროვნული მოძრაობის“ გარიჟრაჟზე 9 აპრილს და „ვარდების რევოლუციის“ დროსაც კი"