ალექსანდრ ლუკაშენკომ ბელარუსში ფასების ზრდა აკრძალა
ბელარუსის პრეზიდენტმა, ალექსანდრ ლუკაშენკომ 6 ოქტომბრიდან ბელარუსში ფასების ზრდა აკრძალა.
ამის შესახებ მან მთავრობის ეკონომიკური გუნდის წევრებთან გამართული მოლაპარაკებების შემდეგ განაცხადა. ბელარუსის სახელმწიფო სააგენტოს ცნობით, შეხვედრაზე განიხილებოდა ინფლაციასთან დაკავშირებული მწვავე საკითხები.
„ბელტა“ წერს, რომ „ლუკაშენკომ გააკრიტიკა ის პირები, ვინც პასუხისმგებლები არიან ბელარუსში ფასების ზრდის კონტროლზე, რის გამოც საქმეში მისი ჩართვა გახდა საჭირო”.
„დღეიდან, 6 ოქტომბრიდან, ქვეყანაში ფასების ზრდა იკრძალება. და ღმერთმა არ ქნას, რომ ვინმემ ბუღალტრულად რამე უკვე გასული თარიღებით გადათვალოს”, -განაცხადა ლუკაშენკომ.
ამასთან, მან არ გამორიცხა, რომ საჭირო გახდეს გამონაკლისების დაშვება, თუმცა „ეს მინისტრის ნებართვით მოხდება“.
ლუკაშენკომ ასევე მოითხოვა, რომ ფასების ზრდის აკრძალვამ არ უნდა გამოიწვიოს ობიექტების დახურვა და ბაზრიდან გასვლა.
მისივე თქმით, ბრძანების შესრულებას ზედამხედველობას გენერალური პროკურორი და სახელმწიფო კონტროლის კომიტეტის თავმჯდომარე გაუწევენ.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე