Reuters საქართველოს საპარლამენტო არჩევნების შესახებ წერს
ოთხი ეგზიტპოლის შედეგებით, ყოფილი საბჭოთა ქვეყნის - საქართველოს საპარლამენტო არჩევნებში მმართველი პარტია „ქართული ოცნება“ ლიდერობს, - ამის შესახებ საინფორმაციო სააგენტო Reuters წერს.
ოთხივე ადგილობრივი ტელეკომპანიის მიერ მომზადებული ეგზიტპოლების თანახმად, მეორე ადგილს ოპოზიციური პარტია "ერთიანი ნაციონალური მოძრაობა" იკავებს. 1%-იანი ბარიერი კიდევ რამდენიმე ოპოზიციურმა პარტიამ გადალახა.
"ქართული ოცნების" განცხადებით, არჩევნებში გამარჯვება მმართველი პარტიისადმი სანდოობის გამოცდასა და უფრო მრავალფეროვანი პარლამენტის შექმნას გულისხმობს", - წერს Reuters-ის კორესპოდენტზე დაყრდნობით.
მანამდე, Reuters წერდა, რომ არჩევნები საქართველოში ეპიდემიოლოგიური წესების დაცვით მიმდინარეობდა.
"გამოკითხვების უმრავლესობის თანახმად, არჩევნებში ბიძინა ივანიშვილის მიერ დაფუძნებული პარტია, „ქართული ოცნება“ ლიდერობს, თუმცა გაურკვეველია, შეძლებს თუ არა ის ერთპარტიული მთავრობის შესაქმნელად საჭირო 40% –ზე მეტი ხმების მოპოვებას.
საარჩევნო უბნების გახსნიდან რამდენიმე საათში ოპოზიციამ მმართველი პარტია და მისი მხარდამჭერები ხმების მოსყიდვაში და ადგილობრივი დამკვირვებლების მიმართ მუქარის განხორციელებაში დაადანაშაულა.
ქართული ოცნების ლიდერებმა ბრალდებები უარყვეს და მხოლოდ რამდენიმე ტექნიკური დარღვევა აღიარეს", - წერს გამოცემა.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე