"ბოლო დღეებია, ვისმენთ ამაზრზენ პოლიტიკურ განცხადებებს" - კახა კალაძე
არავის მივცემთ უფლებას, მათი ბნელი, ბოროტი განზრახვებით საქართველოში და თბილისში გავაქროთ საახალწლო და საშობაო დღესასწაულები, – ამის შესახებ თბილისის მერმა, კახა კალაძემ განაცხადა.
კალაძის თქმით, არსებობს გარკვეული თარიღები, რომლებსაც განსაკუთრებული აღნიშვნა სჭირდება და სწორედ ასეთია ახალი წელი.
„მინდა, ყველას შევახსენო, რომ არსებობს გარკვეული თარიღები, რომლებსაც, გვინდა თუ არ გვინდა, მოგვწონს თუ არ მოგვწონს, სჭირდება განსაკუთრებული აღნიშვნა, რადგან იმედის, სიხარულისა და ბედნიერების განცდა აუცილებელია ადამიანების ცხოვრებაში. სწორედ ასეთია ახალი წელი. ვისურვებ, რომ არასდროს, მსოფლიოს არცერთ ქალაქში არ გაქრობოდეთ ადამიანებს მისი სათანადოდ აღნიშვნის სურვილი. დღეს მსოფლიო არის სერიოზული გამოწვევების წინაშე, ჩვენს რეგიონშიც სერიოზული პრობლემებია ამ მიმართულებით, თუმცა, ამ ყველაფრის მიუხედავად, ყველგან ცდილობენ, ადამიანებს მისცენ შესაძლებლობა, აღინიშნონ შობა-ახალი წლის დღეები. ძალიან სამწუხაროა, და მინდა, ხაზი გავუსვა, რომ ბოლო დღეებია, ვისმენთ ამაზრზენ პოლიტიკურ განცხადებებს, რომელთა განხილვას დღეს აქ არ შევუდგები. შემიძლია, ვთქვა ერთი: არავის მივცემთ უფლებას, მათი ბნელი, ბოროტი განზრახვებით საქართველოსა და თბილისში გავაქროთ საახალწლო და საშობაო დღესასწაულები. არავის არ მიეცემა ამის უფლება და შესაძლებლობა. ახალი წლისა და შობის დღეები არის დღესასწაული, რომელსაც განსაკუთრებით ელოდება ამ ქვეყანაში მცხოვრები თითოეული ადამიანი, ბავშვები, ყველა თაობის ადამიანი, ყველასთვის არის მნიშვნელოვანი“, – აღნიშნა კახა კალაძემ.
სიახლეები
- ტირამისუ
- "სალომე ზურაბიშვილი კონსტიტუციის დარღვევის შემდეგ, ახლა უკვე ქართველი ხალხის დაცინვაზე გადავიდა - „ერთდღიანი კანონი უნდა მივიღოთ“, ხალხის დაცინვაა" - შალვა პაპუაშვილი
- „უცხოური გავლენის გამჭვირვალობის შესახებ“ პროექტზე ევროსაბჭოს წიაღში არსებული, საერთაშორისო ექსპერტების მიერ მომზადებულ დასკვნას აქვეყნებს, რომელიც მისივე განმარტებით, „უმძიმეს შეფასებებს“ მოიცავს " - ანა ნაცვლიშვილი
- "ახალგაზრდებს პირდაპირი ეთერის ფორმატში საჯარო დისკუსიაში მონაწილეობა შევთავაზე, თუმცა იმავე წამს რადიკალებს მხრიდან ახალგაზრდების ბულინგი დაიწყო და ამ პირობებში ვერც ერთმა ჯგუფმა მონაწილეობა ვერ გარისკა" - პრემიერი
- მთავრობა ევროპის ჩემპიონატისთვის თვითმფრინავის 3000 ბილეთის სუბსიდირებას გეგმავს