" მარგველაშვილს თუ მოვუსმენთ, გამოდის, რომ მისი თქმით, საქართველოს აშანტაჟებენ"
გიორგი მარგველაშვილს თუ მოვუსმენთ, გამოდის, რომ მისი თქმით, საქართველოს აშანტაჟებენ და საქართველო ამ შანტაჟს უნდა დაექვემდებაროს, - ამის შესახებ პარლამენტის თავმჯდომარის მოადგილე არჩილ თალაკვაძემ „ქრონიკაში“ განაცხადა.
„სხვანაირად მე ვერ გავიგე მისი განცხადება. ანუ, ის რას ამბობს: კი, ჯანდაცვაში სახელმწიფო აკეთებს ყველაფერს, სამართლებრივადაც ამბობს, რომ შეიძლება ეს ადამიანი იმსახურებს სასჯელს, მაგრამ ამ შემთხვევაში ეს არ არის მნიშვნელოვანი, რადგან საქართველო ზარალდებაო. ანუ, გამოდის, ბატონი მარგველაშვილი პირდაპირ ამბობს, რომ საქართველოს აშანტაჟებენ და ის ამ შანტაჟს უნდა დაექვემდებაროსო. სხვა არ ვიცი, ეს განცხადება რას ნიშნავს. ჩემი აზრით, ძალიან სუსტი პოზიციაა ყოფილი მაღალი თანამდებობის პირისგან. თავის დროზე, როდესაც ის პრეზიდენტი იყო, პასუხისმგებელი იყო საკუთარი ქვეყანა და სახელმწიფო ინტერესები დაეცვა იმისგან, რაზეც ახლა საუბრობს პირიქით“, - განაცხადა თალაკვაძემ.
სიახლეები
- „რუსეთს იმედი აქვს, რომ „თეთრ სახლში თავის კაცს დასვამს“ და ამით ნატოს ძლიერებას დაასუსტებს“ – უცხოური პრესა
- "ცვლილებები ჩვენი მხრიდან, ბუნებრივია, ვერ დაიგეგმება გამომდინარე იქიდან, რომ ხვალ მესამე მოსმენით მიიღება კანონი"- პრემიერი
- უცხოური ვალუტის ოფიციალური კურსი 14 მაისისთვის
- "სრული პასუხისმგებლობით გეუბნებით, ტყუილად არ დაუკავებიათ არავინ, ეს ადამიანები ახორციელებდნენ ძალადობას"
- "გდდ-ს ყველა თანამშრომელი ეჭვმიტანილია არაადამიანურ მოპყრობაში, წამებასა და სისხლის სამართლის დანაშაულის ჩადენაში"