"დეოლიგარქიზაციის არც ერთ პროექტს მხარს არ დავუჭერთ"-იაგო ხვიჩია
დეოლიგარქიზაციის არც ერთ პროექტს მხარს არ დავუჭერთ, რადგან ამ ქვეყანას რა პრობლემაც აქვს, არ ჰქვია ოლიგარქია, ერთპიროვნული მმართველობა ჰქვია, - ამის შესახებ "გირჩის" დეპუტატმა იაგო ხვიჩიამ განაცხადა.
მისი თქმით, ორივე პროექტი, რომელიც პარლამენტში განიხილება, უფრო პრობლემებს შექმნის, ვიდრე მოაგვარებს.
„ეს პრობლემა იყო ყოველთვის, როცა ოლიგარქები გვმართავდნენ და არ გვამართავდნენ. არასწორი სახელის დარქმევა ხდება, ასევე ეს იწვევს მეორე პუნქტის დარღვევას, კანონებით ერთმანეთთან ბრძოლა არ არის ჩემი აზრით დეპოლარიზაციისკენ გადადგმული ნაბიჯი.
ჩვენ ოდითგანვე გვქონდა ერთპიროვნული მმართველობის პრობლემა, ეს უფრო მეტი პრობლემაა ჩემი აზრით, ოლიგარქია შეიძლება უკეთესი მმართველობის ფორმა იყოს, ვიდრე ერთპიროვნული მმართველობა", - განაცხადა ხვიჩიამ.
პარლამენტის იურიდიულ საკითხთა კომიტეტი, დღევანდელ სხდომაზე, “დეოლიგარქიზაციის შესახებ“ კანონის პროექტის კორექტირებულ ვარიანტს განიხილავს.
დღეს გახდება ცნობილი, ვენეციის კომისიის რეკომენდაციების საფუძველზე როგორ შეიცვლება პროექტი და რა ცვლილებები აისახება მასში.
დღესვე, იურიდიულ საკითხთა კომიტეტი “ოლიგარქიული მმართველობის წინააღმდეგ” ფრაქცია “ნაციონალური მოძრაობის“ მიერ შეთავაზებულ პროექტზეც იმსჯელებს.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი