"ხელისუფლება კოორდინირებულია მოსამართლეებზე ხელის დაფარებით" - თინა ბოკუჩავა
ხელისუფლება კოორდინირებულია მოსამართლეებზე ხელის დაფარებით, რაც არის არა მხოლოდ პარლამენტის საბოტაჟირება, მისი უფუნქციოდ დატოვება, არამედ ჩვენი ქვეყნის ევროპული არჩევანის საბოტაჟირება, – ამის შესახებ „ნაციონალური მოძრაობის“ წევრმა, თინა ბოკუჩავამ განაცხადა.
ბოკუჩავას თქმით, „პარლამენტს ინსტიტუციური, ფუნქციური მნიშვნელობა წაართვა შეშინებულმა უმრავლესობამ, რომელიც მესამე დღეა, საპარლამენტო პროცესებს გაურბის და რეგისტრაციაში არ მონაწილეობს“.
„პარლამენტი მესამე დღეა, პარალიზებულია, არამცთუ კომისიის საკითხი, არამედ ყველა სხვა კანონის კენჭისყრაც ვერ ტარდება, რადგან შეშინებული უმრავლესობა უნდა გადაეფაროს სასამართლო კლანს, რომლის სანქცირება მოხდა აშშ-ის მიერ ოთხი მოსამართლის დასანქცირების სახით. ეს უკვე ავლენს იმას, რისი დადგენაც კომისიას სურდა“, – განაცხადა თინა ბოკუჩავამ.
კვორუმის არარსებობის გამო სასამართლოსთან დაკავშირებით დროებითი საგამოძიებო კომისიის შექმნის საკითხზე კენჭისყრა ვერც დღეს შედგა. საპარლამენტო უმრავლესობამ რეგისტრაცია კვლავ არ გაიარა. მმართველ გუნდში აღნიშნავენ, რომ უცხადებენ მხარდაჭერას სასამართლოს დამოუკიდებლობას და სოლიდარობას – ქართველ მოსამართლეებს.
სიახლეები
- „რუსეთს იმედი აქვს, რომ „თეთრ სახლში თავის კაცს დასვამს“ და ამით ნატოს ძლიერებას დაასუსტებს“ – უცხოური პრესა
- "ცვლილებები ჩვენი მხრიდან, ბუნებრივია, ვერ დაიგეგმება გამომდინარე იქიდან, რომ ხვალ მესამე მოსმენით მიიღება კანონი"- პრემიერი
- უცხოური ვალუტის ოფიციალური კურსი 14 მაისისთვის
- "სრული პასუხისმგებლობით გეუბნებით, ტყუილად არ დაუკავებიათ არავინ, ეს ადამიანები ახორციელებდნენ ძალადობას"
- "გდდ-ს ყველა თანამშრომელი ეჭვმიტანილია არაადამიანურ მოპყრობაში, წამებასა და სისხლის სამართლის დანაშაულის ჩადენაში"