"გაუგებარია, რატომ უნდა მიესალმებოდეს საქართველო ასეთი სასტიკი აგრესორის საჩუქარს"
აშშ-ის ელჩი საქართველოში კელი დეგნანი რუსეთის მიერ საქართველოს მოქალაქეებისთვის სავიზო რეჟიმის მოხსნის გადაწყვეტილებას ეხმაურება და აცხადებს, რომ მისთვის გასაგებია ქართველი ხალხის ნაწილის შეშფოთება ამ გადაწყვეტილებით.
კელი დეგნანის თქმით, საქართველოსთვის მისასალმებელი არ უნდა იყოს ასეთი საჩუქარი იმ ქვეყნისგან, რომელსაც ოკუპირებული აქვს მისი ტერიტორიები.
„ჩემთვის გასაგებია ის შეშფოთება, რომელსაც ბევრი ქართველი გამოხატავს მოსკოვთან პირდაპირი ფრენების გახსნასა და რუსეთთან სავიზო რეჟიმის მოხსნასთან დაკავშირებით. საკითხავი ის არის, თუ რატომ აძლევს პუტინი ამ საჩუქარს ახლა. ვფიქრობ, ქართველები გაცილებით უფრო კმაყოფილები იქნებოდნენ, პუტინს ჯარები რომ გაეყვანა ოკუპირებული ტერიტორიებიდან და უკან წაეღო აფხაზეთისა და ცხინვალის აღიარება. რაც შეეხება ავიაკომპანიებს, რა თქმა უნდა, მნიშვნელოვანია უსაფრთხოების საკითხი, რადგან ბევრ ასეთ ავიაკომპანიას არ აქვს სათანადო ნაწილები და მომსახურება. ეს აჩენს შეშფოთების ლეგიტიმურ საფუძველს უსაფრთხოებასთან დაკავშირებით. მართლაც გაუგებარია, რატომ უნდა იყოს საქართველოსთვის მისასალმებელი ასეთი საჩუქარი ისეთი სასტიკი აგრესორისგან, როგორიც რუსეთია“, - განუცხადა დეგნანმა ჟურნალისტებს.
სიახლეები
- "ქვეყნის გადარჩენისთვის ერთადერთი გამოსავალი არის ხალხმრავალი, შეუჩერებელი, მყარი და მშვიდობიანი დემონსტრაციები"
- "ევროპაში, ამერიკაში აღვირახსნილი კამპანიაა, საბავშვო ბაღებში, სკოლებში მიჰყავთ ტრანსგენდერები და ეუბნებიან, თუ შენი სქესი არ მოგწონს, შეგიძლია გადაიკეთოო - ეს არის ანტიადამიანური, დემონური ინიციატივები და ამას სჭირდება ჩაკეტვა"
- "კანონი არ არის ბიძინა ივანიშვილი, კანონი არ არის ირაკლი კობახიძე, კანონი არის კანონი, რომელმაც უნდა დაიცვას ქართველი ხალხი"
- "საჭიროა აშშ-სთან მუშაობა, დიალოგი და საუბარი" - ირაკლი ღარიბაშვილი კონგრესმენების წერილზე
- "ჩვენი უმთავრესი საგარეო პრიორიტეტი ევროკავშირის წევრობაა და ამისთვის ყველაფერი კეთდება" - პრემიერი