"ნაციონალურმა მოძრაობამ“ შოვის ტრაგედიასთან დაკავშირებით აწარმოა საგამოძიებო მოქმედებები, სადაც იკვეთება მაღალი თანამდებობის პირების გულგრილობა"
„ნაციონალურმა მოძრაობამ“ 3 აგვისტოდან 15 აგვისტოს ჩათვლით აწარმოა საგამოძიებო მოქმედებები, ჩვენ მოვამზადეთ შუალედური ანგარიში 12 დღის განმავლობაში, სრულად არის აღდგენილი 3 აგვისტოს ტრაგედია და ქრონოლოგია, ამ დასკვნითაც კი იკვეთება კონკრეტული მაღალი თანამდებობის პირების გულგრილობა, რასაც შეეწირნენ საქართველოს მოქალაქეები, – ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა განაცხადა.
მისი თქმით, საზოგადოებას სჭირდება შოვის ტრაგედიაზე პასუხები.
„ჩვენი ხალხი იმსახურებს პასუხს ხელისუფლების მხრიდან შოვის ტრაგედიაზე. ჩვენი მოქალაქეები იმსახურებენ, დეტალურად იცოდნენ, ვისი პასუხისმგებლობა იკვეთება, ვისი თანამდებობრივი გულგრილობის გამო ვერ მოხერხდა გარკვეული მსხვერპლის თავიდან არიდება. „ნაციონალურმა მოძრაობამ“ 3 აგვისტოდან 15 აგვისტოს ჩათვლით აწარმოა საგამოძიებო მოქმედებები. ჩვენ მოვამზადეთ შუალედური ანგარიში ამ 12 დღის განმავლობაში, სრულად არის აღდგენილი 3 აგვისტოს ტრაგედია და ქრონოლოგია. ამ დასკვნითაც კი იკვეთება კონკრეტული მაღალი თანამდებობის პირების გულგრილობა, რასაც შეეწირნენ საქართველოს მოქალაქეები. იკვეთება დაგვიანებული რეაგირება, ჩვენდა სამწუხაროდ, პრემიერ-მინისტრი დაგვიანებით ახდენს რეაგირებას, 24 საათის შემდეგ ჩადის ადგილზე. ამიტომ საზოგადოებას სჭირდება კონკრეტულ კითხვებზე კონკრეტული პასუხები. ჩვენ გვაქვს ვალდებულება და, განსაკუთრებით, ხელისუფლებას, პოლიტიკური კინკლაობა კი არა, ჩვენს საზოგადოებას გავაგებინოთ კონკრეტული პასუხები. ყველამ კარგად უნდა იცოდეს, მათ შორის თავდაცვის მინისტრმა, რომელმაც დააგვიანა ჯარის ჩაყვანა, ინფრასტრუქტურის მინისტრმა, რომელიც იმ საღამოს გვეპრანჭებოდა სხვადასხვა ოთახიდან, ნაცვლად იმისა, რომ გადარჩენითი ოპერაცია ეწარმოებინათ, ფაქტობრივად, ღამის განმავლობაში მიატოვეს მოქალაქეები. „ნაციონალური მოძრაობა“ ბოლომდე მიიყვანს ამ საგამოძიებო მოქმედებებს. იკვეთება მაღალი თანამდებობის პირების სისხლის სამართლის პასუხისმგებლობა და ეს იწყება ირაკლი ღარიბაშვილისგან“, – განაცხადა ხაბეიშვილმა.
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"