"ისტორიული მნიშვნელობის, გეოპოლიტიკური გარემოებების გამო საქართველო კანდიდატის სტატუსს მიიღებს, ოღონდ ეს ხელისუფლება გაჩერდეს"
მესიჯი იქნება - თუ რეკომენდაციებს არ ასრულებ, ჯანდაბას, შეიძლება თვალი დავხუჭოთ და სტატუსი ავანსადაც მოგცეთ, მაგრამ საშინელებებს ნუ სჩადიხართ - ნუ უცხადებ პრეზიდენტს იმპიჩმენტს ევროპაში ვიზიტის გამო, ნუ იღებენ „აგენტების შესახებ" კანონს, ნუ გაქვთ ანტიდასავლური და პრორუსული რიტორიკა, ანტიუკრაინული განწყობა, - ასე აფასებს ოპოზიციონერი დეპუტატი რომან გოცირიძე ევროკავშირის უმაღლესი წარმომადგენლის, ევროკომისიის ვიცე-პრეზიდენტ ჯოზეფ ბორელის საქართველოში დაგეგმილ ვიზიტს.
გოცირიძის განცხადებით, ევროკავშირის უმაღლესი კომისრის ჩამოსვლა იმას ნიშნავს, რომ ევროკავშირს არ სურს საქართველო გაწიროს, პრორუსული ხელისუფლების გამო ევროინტეგრაციის გზას ჩამოსცილდეს და კიდევ უფრო მეტად დაშორდეს უკრაინასა და მოლდოვას.
„თუ რეკომენდაციებს არ ასრულებენ და ითქვა, რომ 12 რეკომენდაციიდან მხოლოდ სამია შესრულებული, საქმეს მაინც ნუ გააფუჭებენ - გაჩერდნენ!
ისტორიული მნიშვნელობის, გეოპოლიტიკური გარემოებების გამო საქართველო ევროკავშირის წევრობის კანდიდატის სტატუსს მიიღებს - ოღონდ ეს ხელისუფლება გაჩერდეს. ეს იქნება ჯოზეფ ბორელის მთავარი გზავნილი", - განაცხადა რომან გოცირიძემ.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი