"ქართულმა ოცნებამ" ცივი ომი გამოაცხადა პრეზიდენტის ინსტიტუტის წინააღმდეგ" - თეონა აქუბარდია
"ქართულმა ოცნებამ" ცივი ომი გამოაცხადა პრეზიდენტის ინსტიტუტის წინააღმდეგ ,- ამის შესახებ ოპოზიციონერმა დეპუტატმა თეონა აქუბარდიამ განაცხადა.
კერძოდ ის პრეზიდენტის განცხადებას გამოეხმაურა, სადაც მან აღნიშნა, რომ მიესალმა საქართველოში სომხეთის პრემიერის ვიზიტს, თუმცა ამავდროულად მწუხარებას გამოთქვამს, რომ „შესაბამისი უწყებების მხრიდან არ ხდება პრეზიდენტის ინფორმირება ქვეყანაში დაგეგმილი მაღალი რანგის ვიზიტების, შეხვედრებისა თუ ღონისძიებების შესახებ“.
„პრეზიდენტი სამართლებრივი სივრციდან გაიყვანეს. "ქართულმა ოცნებამ" გამოაცხადა ცივი ომი პრეზიდენტის ინსტიტუტის წინააღმდეგ. რამდენადაც, მათ იმპიჩმენტი წარუმატებლად დაუმთავრდათ, ვერ შეძლეს პრეზიდენტის გადაყენება. ახლა უკვე დე ფაქტო პრეზიდენტის რეჟიმში ამყოფებენ სალომე ზურაბიშვილს. ეს ნიშნავს, რომ მნიშვნელოვანი ვიზიტების დროს, მათ შორის ჩვენი ქვეყნის მეგობარი ქვეყნების ლიდერების,არც კი ატყობინებენ ამის შესახებ. პრეზიდენტი ტელევიზიით იგებს ასეთი ვიზიტების შესახებ. პრეზიდენტს შეუძლია დადებითი, მნიშვნელოვანი როლი შეასრულოს საქართველოს საგარეო პოლიტიკის კუთხით საუკეთესო ინტერესების მხარდაჭერისთვის“, - აღნიშნა აქუბარდიამ.
გარდა ამისა, ის 29 იანვარს 9 პუნქტთან დაკავშირებით პარლამენტში დაგეგმილ სამუშაო შეხვედრას გამოეხმაურა და აღნიშნა, რომ ფორმატიდან გამომდინარე დიდად კონკრეტულ ხელშესახებ შედეგებს არ ელოდება.
"მე სხვა ვალდებულებების გამო ფიზიკურად ვერ დავესწრები ორშაბათს შეხვედრას, მიუხედავად იმისა, რომ სხვა შეხვედრას აუცილებლად დავესწრები, თუ ასეთი იქნება. ორშაბათის შეხვედრა უფრო მოთელვაა, პოზიციების განხილვა. ამ შეხვედრაზე "რეფორმების ჯგუფიდან" წარმომადგენელი იქნება. ვფიქრობ, მნიშვნელოვანია მინიმუმ ხედვის დაახლოება მაინც. ფორმატიდან გამომდინარე დიდად კონკრეტულ ხელშესახებ შედეგებს არ ველოდები. იცით, რომ "ქართულმა ოცნებამ" 1 წელი გალია საუბარში, რომ სამუშაო ჯგუფებში ოპოზიციის ნაწილი რომ არ იყო ჩართული, ეს იყო უბედურება საქართველოსთვის, მიუხედავად იმისა, რომ 12-დან 3 რეკომენდაცია შესრულდა სრულფასოვნად“, - აღნიშნა აქუბარდიამ.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი