"მე და პრეზიდენტს არავითარ ერთობაზე ან რაიმე სახის პოლიტიკური პლატფორმის შექმნაზე საუბარი არ გვქონია" - ხატია დეკანოიძე
მე და საქართველოს პრეზიდენტს არავითარ ერთობაზე ან რაიმე სახის პოლიტიკური პლატფორმის შექმნაზე, მომავალში თუ ახლა, საუბარი არ გვქონია - მე არ მგონია, რომ იგი რომელიმე კონკრეტული პარტიის დამხმარე შეიძლება იყოს, - ამის შესახებ "ევროოპტიმისტების" დეპუტატმა, ხატია დეკანოიძემ განაცხადა.
მისივე თქმით, პრეზიდენტის პოზიცია, მათ შორის, 9 დათქმის მიმართულებით, სწორია და ფიქრობს, რომ სალომე ზურაბიშვილი საქართველოს სახელმწიფოს პარადიგმაში და ჭრილში უყურებს ყველაფერს.
"არავითარ პარტიულ გაერთიანებებზე, არავითარ რაღაც პარტიულ კონფიგურაციაზე საუბარი მე და საქართველოს პრეზიდენტს არ გვქონია. ჩვენ გვქონდა საუბარი 9 დათქმის შესრულებაზე. მისი კითხვა იყო ჩემს მიმართ, როგორ წარმომიდგენია კრიმინალური იუსტიციის რეფორმა საქართველოში, რა უნდა გაკეთდეს იმისთვის, რომ 9 დათქმა შესრულდეს, ვისაუბრეთ ვენეციის კომისიის რეკომენდაციებზე, ამიტომ არავითარ ერთობაზე საუბარი ან რაიმე სახის პოლიტიკურ პლატფორმაზე საუბარი, შექმნაზე, მომავალში თუ ახლა, არ ყოფილა.
საქართველოს პრეზიდენტის პოზიცია, მათ შორის, 9 დათქმის მიმართულებით, არის სწორი და ამ შემთხვევაში იგი საქართველოს სახელმწიფოს პარადიგმაში და ჭრილში უყურებს ყველაფერს. მე არ მგონია, რომ იგი რომელიმე კონკრეტული პარტიის დამხმარე შეიძლება იყოს, მე მგონია, რომ მისი სიტყვები და პოზიციაც, რაც ჩვენ ვისაუბრეთ, იყო მხოლოდ და მხოლოდ რეფორმებზე დაფუძნებული," - განაცხადა დეკანოიძემ.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი